الموقف الأول:
أخبرت صديقك/صديقتك أحد أسرارك الخاصة جدا وطلبت منه
أن لا يخبر به أحد ولكنه فعلها وأفشى هذا السر.
انا عامه معندي صديقات مقربات لدرجه اني اقولها سر!!
بس لو صار وقتلها وخبرت!!عن السر!! اكييد مارح اقولها اي شي
مره ثاانيه لانها مب محل ثقه!! وبيكون كلامي معها ب حرص شديد.
الموقف الثاني:
حصل لصديقك/لصديقتك حادث وإحتاج إلى من يتبرع له بعضو
من أعضاء الجسم (مثل:الكلية) فهل ستفعلها وتساعده أم لا؟
لا.. مارح اتبرع.. لان لو ربيعتي بمكاني ماكانت بتعبرني!!
واصلا كل الي يتبرعون عقب اتصير لهم مضاعفات!!
التبرع ايكون ل شخص غاالي عليه!! والله يحفظ كل الغالين عليه
ويبعد عنهم كل شر..لكن صديقه مارح اتبرع!! عندها اهلها
حد يتبرع لها منهم!!
الموقف الثالث:
حصلت لك أزمة واحتجت إلى مساعدة وكان صديقك/صديقتك
هو الوحيد الذي يستطيع مساعدتك ولكنه لم يساعدك فماذا ستفعل؟
شي متووقع لان الحينه مااشي صدااقه كله مصاالح!!
وهالشي صار معي ان وحده ربيعتي ماطاعت تعطيني ورق
مال ماده العلوم وماكنت اعرف غيرها!! ولامتحان كان باجر!!
رفضت تعطيني اوراق الماده وماكان عندي شي اذاكر منه!!
وبسببها شلت الماده معي للسنة الي عقبهاا
واكييد عقب طاحت من عيني .. واكييد الصديق الي مايساعد
صديقه وهو بامكانه مساعدته اكييد مايستحق كلمه صديق!!
واكييد رح ازعل واضاايق..
وتسلم اخوي هنري العرب ع الموضوع الحلووووو
والاسثله المميزة يعطييك العااااافيه
التعديل الأخير تم بواسطة التفاحة ; 04-04-2008 الساعة 08:39 PM.
|