يايب لكم سالفة توها مستويه نيو مرة سوالف طازجة ههههههههههههه

أولاً السلام عليكم

شخباركم ؟؟

عساكم بخير؟؟

أنا بخير ما يحتاي تسألوني هههههه

الدار ساااكنة الحمد لله ههههههههه

يوميات راعي العزبة وين وصلنا ؟؟
الحلقة رقم جم ؟؟
مدري نسيت

المهم

يطولي بعمركم بعد ما طلعت النتااايج كل الشباب ما يبون يكملون الدراسة لان النتايج ما تسر بصراحة
احم احم وأنا من ظمنهم هههه
أنزين يلسو الشباب يضحكون ع المدرسين
أونهم حزينين ع النتيجة << ماشي منه مو حزينين في القلب بس مظهر خارجي لاه ههههههه

وكل مدرس يجي الصف ما يدرسنا ييلس ينصح وحن كل واحد مغطي وجهه بكتاب ويالس يتكركر مع اللي يمه ههههههههههه

والمدرسين من خاطرهم ينصحون يحليلهم

جى المدير الصف قال الحينه بنخبركم منو اللي رسب وشل موااد

سألني المدير قالي عنادوه جم مادة شليت ؟؟

قلت له شليتهن كلهن المواد في سطل ماي هههههههههه

ويلسو الشباب يضحكووون ووصلت حرارة المدير التوووب عليي أنا

قالي أتبعني عند الاخصااائي توقع تعهد

المهم أنا تبعته عند الاخصاائي

وقال المدير حال الاخصااائي سجل حق عناادوة تعهد وخله يوقع وبعدين راااح المدير

والمهم أنا والاخصائي ربع هو واحد من البدوان أعرفهم ويلسنا أنا وهو نسولف لحد رن الجرس الاستراحة وطلعت من السالفة


بس للعلم تراني مب رااسب ولاني شليت موااد الحمد لله ناجح بس غشمرة ويا المدير الدب ههههههههههههه

سوالف ما تخلص

والله شي عندي سوالف وااايد تصير كل يوم بس ما يخلصني أكتب ع الكيبورد هههههههههه