السلام عليكم ورحمة ربي
شحالكم اخواني واخواتي
بدون مقدمات
ياللي تقول الدنيا مابها خير
....الدنيا بخير بس الناس لها طبوعتبيني اصور لك اطباعهم تصوير
..... بس عسا اغير اللي فبالك مطبوع
طبع الدنيا تخير الناس تخيير
....لك ان تعيش وحـــيد بيـــن جموع
ولك انك تحب وما يحبك الغير
....ولك انك تصيح بــس بليا دمـــوع
واختار بس لا تلومها باللي يصير
...ولا تكون تابـــع خلـــك دوم متـــبوع
اذا سمير محترم صادق سمير
...اذا جعت للنصيحه ســد عــنك الجــوع
بس لاتخونه لجل رشا وعبير
....وخلك مــع الذربين طيبين الطــــبوع
ترى الصداقه اغلى من العلاقه" تحذير"
... اسمعني دام حبل افكاري مب مقطوع
وانا خلني ضايع بشوقي مثل الضرير
...من غيابه وانا تايه مصدوم ومفجـــوع
احبه..اهواه... لاوالله خانني التعبير
...انا المظلوم وشوفته حقي المــــشروع
ياصاحبي شفت هاجر مايدري بالهجير
... هذا اللي احبه عمره مــا فكر يفـــوع
ان تبسمت قالي بــدا منك تقصير
....وان فكرت اخونه ذرف محجره دموع
وان قلت له احبك قال "خير يا طير"
....واذا غبت ثواني جازاني بـ، أســبوع
وتقول لي ياصاحبي الدنيا مابها خير
.... الدنيا بها امل ونحن بنا الامل مقطوع
وسلامتكم