صباااااااح الخير حبايبي
شحالكم واخباركم الغاليييين
انا طبعا واعيه من الصبح مع هل المدارس وانا ما اشغل ال TV من صباح الله خير بس عندنا اختنا الصغيرووونه اخر العنقووود وطبعا مدلعه وهي ما يهنالها تروح المدرسه الا من تشغله وتشوف MBC 3 و SPACETOON المهم اني بعدها جلست افرفر بالتلفزيووون ودايما انا متابعه للبرامج الاجنبيه بس شد اهتمامي هالبرنامج 20\20 وها برنامج يعرض المشاكل الاجتماعيه والسياسيه والفضائح وكل شي للامريكيين المهم ان في فقره حكت قصه وحده تقاضي ابووووها ؟!!! وها شي مب مستغرب هالزمان ببلادنا كيف عندهم بس من حقها البنيه تعرفون شو سوى ابوووها الحبيب مضبط كاميرا الويب الي مثبت بكمبيوترها عشان تشتغل حتى لما تبند البنت الكمبيوتر وتاخذ صور لبنته خلال تواجدها بالغرفه وطبعا الصور كلها Niced اذا كنت كتبت الكلمه صح المهم انها اكتشفت فعله ابوها الشااااائنه وطبعا عصبت والحين تقاضيه بالمخافر وامها طلبت الطلاق
مب هني القضيه الصراحه هاي الامور تصير وايد هناااااك بس لان امي وحليلها كانت معي وسالتني شو صاير وقلت لها جي وجي وها وهذااااااك المهم تخيلوا شو قالت
مع ان فالتقرير قالوا البنت هذا الريااااال ابووووها وان اهي بنته الكل متفق عـ هالشي بس امي قالت ( الاب بفطرته مايسوي جي ببنته وهذا اكيد مب ابوها حتى لو كان مقتنع انه ابوها )
انتو شو رايكم هل في اب ممكن انه يفعل فعلت هالريااااال ببنااااااته وهل السالفه سالفه فطره
مدري اذا قدرت اوصل لكم الفكره والي انا اقصده بس خبروني شو رايكم بكلام امي