أحبك كلمة قالهـا قلبـي الحنـون
زانت على كل الحروف الأبجديـة
كل المظالم يانـور عينـي تهـون
يا مالك عقلـي وروحـي سويـة
أكذب أفكاري وأحارب كل الظنون
وما اعطي لزلاتك قيمـة وقضيـة
أعتبرتك حب صادق ولايمكن تخون
اثر الخيانـة بدمـك لكنهـا خفيـة
تدري يا خلي انت عشقي والجنون
وعلى ما سويت نفسي لك رضيـة
أحبك عد ماغرد القمري بالغصون
وعد ما مالت بألحانه اوراق نديـة
يزيد حبك بقلبي كلما زدت الطعون
وكل التجاريح منك أعتبرها هديـة
الروح تفداك وخذ معهـا العيـون
يابعد كل النـاس واغلـى مالديـة
يا ملاك الحسـن يالريـم الفتـون
يا دلع يا ذوق يـا كـل الجاذبيـة
حبك بقلبي باقـي مايمكـن يهـون
ماينتهي لو زرت حـوض المنيـة