هذة قصيده كتبتها أمره طاعنه في السن بعدما اودعها ولدها- وللاسف- في احدى بيوت الرعايه الصحيه للمسنين...
وين انت يا حمدان امك تناديك .. وراك مـا تسمـع شكايـاوندايـا
يا مسندي قلبي على الدوم يطريك .. ما غبت عن عيني وطيفك سمايا
هذي ثلاث سنين والعين تبكيك .. ما شفت زولـك زايـر يـا ضنايـا
تذكر حياتي يوم اشيلك واداريك . . والاعبك دايـم وتمشـي ورايـا
ترقد على صوتيوحضني يدفيك .. ما غيرك احدٍ ساكن في حشايـا
واليا مرضت اسهر بقربك واداريك .. ما ذوق طعم النوم صبح ومسايا
ياما عطيتك من حناني وبعطيك .. تكبـروتكبـر بالأمـل يـا منايـا
لكن خساره بعتني اليوم وشفيك .. واخلصت للزوجهوانا لـي شقايـا
انا ادري انها قاسيه ما تخليك .. قالـت عجـوزك مـا ابيهـامعايـا
خليتني وسط المصحه وانا ارجيك .. هذا جزا المعروف وهذا جزايـا
يا ليتني خدامة بين اياديك .. من شـان اشوفـك كـل يـوم برضايـا
مشكور يا ولدي وتشكر مساعيك .. وادعـي لـك الله دايـم بالهدايـا
حمدان يا حمدان امك توصيك .. اخاف من تلحـق تشـوف الوصايـا
اوصيتدكتور المصحه بيعطيك .. رسالتي واحروفهـا مـن بكايـا
وان مت لا تبخل عليبدعاويك .. واطلب لي الغفران وهـذا رجايـا
وامطر تراب القبر بدموع عينيك .. ما عـاد ينفعـك النـدم والنعايـا
لا حـــــــــــول ولا قـــــــــــــوة الا بالله ... على هالقلوب القاسيه
لا حرمني الله منكي يا امي الغاليه ...وأن شاء الله ما يجي اليوم اللي نوصل فيه المواصيل
** دعوتي ورجاي لكل واحد امه او ابوه عايشين ... ان يرعاهم ويبر لهم لانهما بابين من ابواب الجنه ...
فـــــــــــ احترامي ـــــــائق:- أحســــــــ راقي ــــــــاي _84