بعطيكم مثال يمكن يكون غريب شوي.. ولكم أن تحكموا..
وحدة من الأهل ما شاء الله عليها بيضا وجميلة.. تقدملها واحد أسمر..
اللي صار ان أهل البنت ما أبدوا أي اعتراض.. وتمت الزيجة الحمد للـه..
وعلى مر الأعوام.. كثرت على الحرمة مشاغل البيت.. وقل -نوعاً ما-
تواصلها مع أهل الزوج لأنها ضاقت ذرعاً من تدخل الأهل في كل صغيرة
وكبيرة.. لأنهم كانوا يعيشون في نفس المكان ( فيلتين متلاصقتين) أخذ
الريال فيلا وحدة وتزوج فيها.. وكانوا يتغدون ويتعشون مع بعض في
السنوات الأولى ..بس مثل ما قلت تدخل الأهل في شؤون الزوجين والعيال
ضايق الحرمة.. وقامت تخف روحتها لهم عشان تتجنب التعليقات على
تفاصيل حياتهم.. تخيلوا شو كان رد الأهل( مع إن الريال كلم أهله
بخصوص الموضوع) قالوا: شايفة نفسها لأنها بيضااااا..
بالذمة إذا الحرمة وافقت على الريال من البداية و شرته وشرت أهله
وتجاهلت تعليقات بعض أقاربها إنهم مو من مواخيذهم و... و.. و..
ليش تشوف نفسها بعد عشر سنوات من العشرة؟؟؟؟