إخوتي أعضاء هذا المنتدى الرائع يشرفني أن أكون مع هذه المجموعة المتميزة واتمنى أن تنال أولى مشاركاتي معكم على القبول والرضى والتي أسميتها ( الأميرة الخائنة ) :

قلت وينك يا أميرة ......
وين قلبي اللي تبينه

قالت إنته إتصور ......
إني في قلبك رهينه

إصدمتني في جفاها.....
حرّكت حس الضغينه

ما هجيت اللي حصل ......
ممكن إنك تقصدينه

كنت أحسبه في خيالي .....
مزحه وكانت سجينه

ما عرفتك ويش تبين ......
حبنا ضاعت سنينه

نوبةٍ قلبي تودّيه ......
ونوبةٍ تطغي بهينه

قلتي عيوبي كثيره ......
وقلبك لغيري حنينه

وعدك الدّايم بحبي .....
ما هي عيبه تنكرينه

والسنين اللّي مضت........
وينها صارت دفينه

كلما قرّبت صوبك .......
تبعدي كنّي مدينه

ما بها إلا ّ خراب .......
وكل شي تكرهينه

في ثراها لا حياه ........
ومايها ما تشربينه

قصتي ويّاك قصّه ......
غرّقت أعظم سفينه

من خيالي أو خيالك.......
كلها قصه حزينه

كل كلامي فيك قلته....
وإنتي كيفك تقبلينه

ذي حكاية قلب عاشق ....
مال عن دربه ضنينه

إسئلوها ليه مالت ......
وعافت الحب وسنينه.