من يقول الزين مايكمل حلاه

كل شي في حبيب اكتمل

الله اللي كمله والله عطاه

مابقى للزين في خلي محل

العيون أحلى من عيون المهاه

شافها قلبي وصفق واحتفل

نظرته من فتنته شعلة حياه

والجفون من الحيا فيها كسل

ساهم رمضه على الخد وسناه

كن لمعة وجنته ورد وطل

والشفايا كنها جمر الغضاع

تحرس الريق المحلى بالعسل

والشعر ليل نقل حمره مساه

أجعد حول على صدره همل

مايجي من فوق متنه ماطواه

لون شلال مع المغرب نزل

أنطلق جيده يماري في بهاه

فوق مياس تعزل واعتدل

بالرشاقه فيه من ظبي الفلا

لي مشى كنه على الريح انتقل

ريحته من كل زهر منتقاه

والزيادة للخزامى والنفل

صافي مثل المطر فوق الصفاه

باسم مثل البشاير بالأمل

جامع من كل زين منتهاه

مستحيل الوصف في خلي سهل

كايد ماهو يلين لمن بغاه


36_15_5[1]