المشاركة الأصلية كتبت بواسطة Jono
يافيلسوف الدار جاني كتابك
في ليلة فيها تعكر مزاجي
ألفين أهلا ومرحبا ومرحبا بك
خصيتني بالقول زد ألرفاقي
رفعتني بين الثريا وشابــــــك
وأنا غشيم في البحر والقوافي
تشتكي وتنوح فرقة حبابـــك
تشتكي الهجران صد وتجافي
تركه ف سبيله لي تسبب عذابك
تركه وخله في عداد المنافي
قيم ف صلاتك صاحبي في شبابك
وغلق دروب الشر لن جاك لافي
يافيلسوف الدار هذا جوابــــــك
والعذر مطلوب كان اختلافــــي
|
يامرحبا فيك وبحضرة جنابك
يامرحبا اقولها من قلب صافي
وترى كلامك واضح في كتابك
ببوح لك سر في الجوف خافي
انا ياخوي ماقدر على عتابك
وقلبي مولع ف الناعمات الرهافي
هذي قصتي وبدايتها عند بابك
قصة غريم الحب ماله امشافي
اول تقول احبك من زد اصحابك
وزولك بدون الحب والله مايشافي
وبلحظه تقولي ما اهوى اقترابك
ونتيجة حبنا الطيب اصبح عوافي
ان غبت تقول ما اتحمل غيابك
وان جيت تقول ليش انت لافي
كل المصائب من جملة اسبابك
واول قريب واليوم مني مخافي
ليش تغيرت دنياك على احبابك
وبعد الموده صرت لي تجافي
من نظرني قال عظم الله مصابك
وهذه الدنيا لها ميله وانحرافي
وقبل الحب مجبور تحسب حسابك
ترى مايفيد الحب بوح واعترافي