ذا طيف حسنك لي يخايل صويبي
ولا نذير الموت من خزة العين

لاسل رمشه بالحنايا يصيبي
ولا صد عني ينزع السهم فلحين

ما شفت في حسن الجمال الغريبي
ذي من بنات الحور لي كامل الزين

شمس بدت من بعد طول المغيبي
نور الحسن ياخوي لي يعشي العين

حالي بعدكم مثل حال الغريبي
واصفق من الحسرات والحزن كفين

واسكب على فرقاك دمعن صبيبي
واهذي بشعرن صففته الموازين

ياعل نفسي من المواجع تطيبي
وابدي لهم بالقول من خافي البين

والعذر منكم كان قولي صعيبي
وادري لكم بالشعر يا ناس وافين

سلام مني من بديه رحيبي
لدار ناس(ن) لهم بالعز راسين