لا تلتفت لي التفت حق حياتك..
أنا الجمل خمن كم يكون وزني؟؟..
هذا الفتات يهد من عزم ذاتك..
وأنا ثباتي يزيد لو زدت طعني..
ويا اللي تحوم لحم الفرايس مناتك..
شرق ترى لحمي يا جايعـ(ن) ني..
ويا من تهرول وملح العطش في شفاتك..
فانا غدير(ن) يموت كل من وردنــــــــي ..
ما هو على حسابي تلملم شتاتك ..
طــرايــد تجــفــل إذا بــان سنــــي..
يـا طـارد أصــل الكــرامه بعصــاتك..
أنا لهــا معروف بالراس احنـــــي ..
ويا عاشق نفسك تمنى وفاتك..
أنفاس غيظك من الغبا أحرقتني..
من عثرك تبي أرسم لك خطاتك؟؟
وش لي انــا ابعـد يا مغــرور عنــي..
وان كــان نقط المجالس سكاتك ..
ما كنت أخلي انتقامك في ذهني..
صحيح حقق بعض همي امنياتك..
ولكن طلع صدق على الأكتاف تبني..
خذ بشت وانزع عن كتوفك عباتك..
ولا عجبكـ الدور وصدق فيك ظنـي..
لا تلتفت لي التفت حق حياتك..
صفاتي عن شرواك والله نهتني..