منتديات جعلان - عرض مشاركة واحدة - بالصور:::عائلة قطرية تقيم حفل زفاف لخادمتهم !!!



السلام عليكم يالاعضااء
شحــــالكم؟؟؟ لكم وحشه والله ^_^
صاارلي كمن يوم مادشيت المنتدي!

المهم بدش ف الموضوع ع طوول..

فاطمة ، او فطوم فلبينية كما يطلقون عليها ،
عملت لدى عائلة قطرية كخادمة مدة 11 سنة متوالية

وبدون اجازات ، أحبتهم وأحبوها ، وصارت مثل بنتهم وأختهم ،

وفي يوم من الايام اجت فاطمة الى معزبتها ربة الاسرة
وقالت : ماما ! انا في رجال يسوي كلام بابا

مال انا داخل فلبين ، يبي انا عروس
( الترجمة: خطبني رجال من ابوي في الفلبين )

المعزبة : مبرووووك فطوم ، بس انتي ليش زعلانه؟؟

فاطمة : انا لو في عروس كيف انا بعدين ترشي فلوس
ألشان بابا مال انا؟ ( الترجمة : لو انا تزوجت

شلون بعدين اطرش فلوس حق ابوي؟)

المعزبة : ولايهمج فطوم ،
انا ازوجج أحسن زواج وأجيب خطيبج هني الدوحة وأزوجكم

وطارت المسكينه الفلبينية من الفرحة ،
ومن فرحتها كانت بتنظف الفريج كله. ^_^

من هنا بدأت قصة الزواج ، التي تكفل بها مخدومي فطوم ،

ومن أشخاص حضروا الزواج الرائع بأيجاز بوصفه لكم :-

اولا طبعا العائلة تكريما وعرفانا لفطوم والعشرة اللي بينهم
جابوا المعرس من الفلبين وعلى حسابهم

وسكنوه في بيتهم وعدلوا لهم الغرفة ،
والمعرس جايب معاه المسكين البدلة السودة

ولكن المعزبة قالت حق عيالها فصلوله ثياب وجيبو له
بشت ، وبالفعل تم ما أرادت الام

اما يوم الزواج الرجال والمعازيم من
القطريين والفلبينيين المسلمين وحديثي الاسلام ،

وفطوم جابوا لها كوشة ،
ودي جي اسلامي (DJ) ، و بوفيه من أحد المطاعم ،

والمعازيم من القطريات والفلبينيات وصديقات
فطوم من خادمات الفريج ،

وأقيم الحفل في منزل العائله بتاريخ 19/4/2007

وإليكم الصور
(صور بالجوال)

كانت معكم التفاحة مراسله
تلفزيون جعلان..الدوحــه.36_1_1[1].