الفائز بالمركز الثاني قصيدة العدو كشر بنابه
للشاعر سهم الموت
الكل يسألني وينك ووين حروف الكتابه
وينك ووين القصايـد طالـت الغيبـه كثيـر
وجا نديم العين يعتب آه ما اجمـل عتابـه
شاعر صعب القوافـي صـارت بيـده حريـر
يانجوم الشعر والله البعـد ماهـو طلابـه
لانسيـت ولاجفـيـت يشـهـد الله يامثـيـر
من دخل ساحة جعلان صعب والله انسحابـه
مهما تغرينا المواقع تبقـى فـي عينـي كبيـر
لكن افكاري غدت بي وويل من فكره غدابـه
البياض اصبـح سـواد والقلـم عيـا يسيـر
وش تبون اكتب واقول وكل بيت(ن) صك بابه
وش تبون مـن القوافـي دام واقعنـا مريـر
ارتفع صوت المعازف وانخفض لحن الربابه
وعقب ماكنا الأوائل صرنـا بالصـف الأخيـر
ا
لأراضي جف ماها والسما ينكـر سحابـه
والمطر بعيون زرعه صبـح بعيـون الضريـر
وصار واقعنا يحاكي شايـب يلعـن شبابـه
وجـادل بيـن النـوادي تستشيـر وتستثـيـر
وكل واحد صار منا تشغله كشخـة ثيابـه
مادرى باللـي يصيـر وش بعـد وده يصيـر
رددوا الله اكبـر عـادت امجـاد الصحابـه
وصار واحد من عربنا سوبـر ستـار شهيـر
العروبه في سبـات والعـدو كشـر بنابـه
والحصيني صار ذيب واصبح الموقـف خطيـر
لعنة حلـت علينـا ذل وارهـاب ومهابـه
كفرونـا والعنونـا وسلـو السيـف الشطيـر
وانقلب هاك الصباح اسود(ن) تعوي ذيابـه
والمضارب استباحت واصبـح الراعـي اميـر
وكمم الرعب الشوارع وارتفع صوت الخطابه
ومالنا حـق نناقـش حتـى تقريـر المصيـر
العراق يسيل دم والوطن سهـل اغتصابـه
والسما تمطـر قنابـل والثـرى ينبـت سعيـر
وفي فلسطين العروبـه تشتكـي ذل القرابـه
باغتيال الشيخ احمد بامر مـن بـوش الحقيـر
وكل شي صار عادي طفل بيكسـر العابـه
ان ضحكنا وان بكينا غصب نرضـى بالأخيـر
يافلسطين الجريحه الوعـد حـان اقترابـه
ويابـلاد الرافـديـن صـبـر والله النصـيـر
واعذروني مانويـت امـلأ الساحـه كآبـه
بس انا حلمي كبير وصـرت لأحلامـي اسيـر
هذي قصيده كتبهـا شاعـر ماطـول غيابـه
لفهـا فـي مزهريـه كلهـا طيـب وعبـير
.................................................. ...............
فالقصيدة تدل على شاعر جرئ من حيث طرحه للفكرة واتمنى ان يستمر على هذا النهج لانه يدل على قدوم شاعر قوي للساحة مع الاهتمام اكثر للوزن.