بقولج موقف صارلي انا وميمي ورفيجتي
لما كنا في قطر كان الوالد عندنا في البيت المهم انا كنت مفصله فستان لخطوبة بنت عمي المهم اتصلت الخياطه وقالت تبي تسوي بروفه عاد احنا استأذنا ورحنا ولما خلصنا من الخياط طلعنا
فقلنا ليش ما نروح السوق نتشرا يمكن في اشياء يديده المهم رحنا بكل ثقه
واحنا نتمشى والا فجأه لقينا ابوي قدامنا يعني هو راجع واحنا رايحين يعني ويه بويه المهم احنا ما شفناه صارت غمامه على ويهنا وقالت رفيجتي ابوج ابوج ياربي عاد هنيه شنسوي اذا رجعنا بيشوفنا وبيقول ليش شردتوا واذا رحنا بيسويلنا فضيحه هههههههههههههه
ولا ميمي من الخوف تقول وهي قالبه ويها رجعوا رجعوا كيف نرجع بيشوفنا ههههههههههههه
المهم عاد يزعم انا مسيطره من الخوف ما عرفت شسوي قلبي يرقع هههه ومشينا وشافنا عاد من الخوف قلتله ميمي تبي تتشرا اغراض وبنروح نشوف العبايه مسكين طافت عليه هالسالفه وقال انزين تبون انتظركم في السياره عاد احنا نبيها من الله قلناله لا احنا بنرجع مشي شوي ومسكين وافق هههههههههه لكن موقف لا يحسد عليه