هييييييييه يا ايام زمان


هذي مرة كانت عند اخوي العود سيارة قير عادي
وانا الصراحه مليت من القير الاوتوماتيك (سيارة الوالد)
وانا مسكين ذيك الايام ماعندي ليسن
فقررت اني اسسسرق السيارة واجرب
تعرفون خرشه شباب

طلعت ومستمتع بالعادي

والا بعد شوي كنت بدعم سيارة التحريات

الله سلمني
بس الله يسامحه ماودرني
الا يلحقني
وعاد الحين تطلع الشطارة(اذا مسكني ثلاث شهور سجن وحجز السيارة)

قلت والله مايمسكني


والريال الا يمسكني

وانا اشرد وهو وراي

المشكله فالموضوع انه سيارتي 6 سلندر

وهو8 سلندر

وطبعا بيلحقني

كان يمي بالسيارة
ويقول اوقف ويطلعلي بطاقة التحريات

وانا لاااااااااااا
مستحيييييييل
المهم وبالحظ طلع جدامه بااااااص عود
بطئ سرعته
مسكييييييييين ماقدر يلحقني

وانا مثل الطير


رحت وقفت السيارة عند المسيد وصليت صلاة المغرب
وطلعت ماجنه صاير شي
ورديت البيت


العجيب فالموضوع انه مابلغ عالسيارة
ليييييييييييييش؟
مدري


وبس