الناس ف راحه وجفنهم بالكرى طاب
وانا عيوني بينها وبين النوم حرايب
مدري وش زعلك مني وش الاسباب
وين سلوم العرب وين باقي الموايب
ليش تهجرني وتزيد فقلبي العذاب
ليش تتركني وتفضحني بين القرايب
حشايه من جور صدك تعب وذاب
وفقلبي بتغليك أشعلت نيران ولهايب
خاف الله يامعذبي خاف رب الارباب
قتل المسلم حرام بدون كبيرالذنايب
جرحتني جرح متغزر فداخلي ماطاب
لافاد فيه كثر المعالج ولافادني طبايب
فعيوني لك محل ياسيدي وسيد الاحباب
وع عرش قلبي لك أمر ياأغلى الحبايب
قدرك عندي متعلي فوق فوق السحاب
ودونك باقي البشر عايشن فالـترايـب
معزتك من قلبي نابعه من لب الالباب
وحبـي لك صـافي ماقـد شـابه شايب
شوف دمع عيني عليك يهل صباب
وعبراتي تخنقني وع وجناتي سكايب
عود حبيبي من هجرك السهم شاب
الصغير من صدك صار كبيروشايب
وأطلب ربي ظني فيك وبالهوى ماخاب
ومرسول حبي مارجع من عندكم خايب
هذا حبيبك ينتظر منك رد الرساله وجواب
وعيونه ساهره وضدنومها معلنه حرايب