*~`¤-_ الخيـــــــــــال_-¤`~*
القصيـدة لا عصتنـي جننتنـي واتعبتنـي
ارتجيها مـن خيالـي لعنبـو ذاك الخيـال
مرةٍ يشطـح بفكـرة ومـرةٍ يطلـع بفنـي
ومرةٍ أقـول يمكـن خالـيٍ مـن الجمـال
تايـهٍ بيـن القوافـي والمعانـي تمتحنـي
بوصف اللي في حياتي زينها حـد الكمـال
الحكي إذا حكت به هزني شـوق وتمنـي
كني الضامي وشفاها موردٍ للمـاء الـزلال
وكل حرفٍ من شفاها أدري انـه امتهنـي
وأحلى كلمة من شفاها ( ياحبيبي لي تعال)
ايه جيتك( يا حياتي) بعد ما كنـت امتعنـي
أنتظر لحظة وصالك وانتظـر لحظـة دلال
وانتظر ذيك الأيـادي تستقـر وتحتضنـي
ونبض قلبك يا حياتي يحتوينـي بالوصـال
أنتِ شموع المدينـة وأنـتِ طيـورٍ تغنـي
وأنتِ أسرار الليالي وأنـتِ ضـيءِ للهلال
وأنتِ نجمٍ للمسافر يهتدي بـه كـان ظنـي
يعرف أطراف المدينة من جنوب ومن شمال
وأحسد أبيات القصيدة لو كانـت أطربتنـي
حظها شافت عيونك كحلها على الخد سـال
كاملة والكامل الله وفـي بهـاكِ جاذبتنـي
بالعيون الناعسية والرمـوش اللـي ظـلال
والقصيدة في خيالـي اتعبتنـي وازعلتنـي
لأنكِِ أنتِ يا حياتي وصفكِ عالـي المجـال