يا بوي ليه تبكي كل ما سفتك وعينك لي
تخاف اموت يا بوي وقبل الموت تبكيني
كفا يا بوي لا تبكي وانا موجود معك وحي
اجل بعد الرحيل اشلون في قبري توطيني
ابوي لو تموت الناس ما تسوى دموعك ذي
وانا يا بوي ميت قبل اموت ونت محييني
قسم بالله يا بوي لجل عينك شربت الغي
جرعت الهم والحرمان وبحر الويل يسقيني
تحملت السنين اللي طوتني في عذابي طي
وصار الجمر بكفوفي وتحت اقدام رجليني
يا بوي ما على عمري حسافه ولا بقى بي شي
ولكن بطلبك يا بوي تكفى لا تخليني
يا بوي مابي غيرك يغسل جثتي بالماي
وتكفا قبل لا اتكفن يا بوي فكلي عيني
بأمر الله يمكن ألمحك وارحل في عيني ضي
وودع وجهك الطاهر مع دنياي وسنيني
وخل الناس تحملني وترفع راسي ورجلي
وتاخذني على قبري وتكسب اجرها فيني
واذا جيت القبر يا بوي نزلني شوي شوي
ووجهني لبيت الله وقبلة المصليني
وحط الطين وادفني وعز اللي يعزي في
ثلاث ايام يا بوي يواسوك المعزيني
ورابع يوم يا بوي تذكر ضحكتي وعني
تذكر وش كنت اقول يوم انك تناديني
تذكر يوم كنت انام في ظل النخل والفي
تجي يمي تصب الماء على وجهي وتصحيني
تذكر جرة الموال وصوت في حباله كي
تذكر يوم اغني لك قصيدي وانت توحيني
تذكر ضحكتك لا قلتلك يا بوي عشقي هي
تذكر كم قصيده خافيه ما بينك وبيني
تذكر كل شي كان واذكر يوم انا حي
ولكن اسألك بالله يا بوي لا تبكيني