مساء الخير اخواني
ومشكور اخوي راشد على طرحك للموضوع بس لاحظت شي في منتديات جعلان انه الواحد لما يطرح فكره كل الردود تكون معه ومتجاوبه مع فكرته مع ان قناعات الناس تختلف عن بعضها ما ادري مجاملة لكاتب الموضوع او مسايرة للاعضاء في رايهم وانا لا اقصد موضوع الاخ راشد فقط فان اغلب المواضيع طبيعة الرد تكون نفسها .

على العموم بالنسبة لموضوع الخادمة في البيت له سلبيات وايجابيات وتكون له حالات:
الحلة الأولى:
1- امهاتنا الي كبرن في السن ويحتاجن لاحد يراعيهن ويقضي عنهن اشغال البيت لما تكون البنات موظفات فهنا يحتاج المنزله لخادمة .
2- الشي الثاني
الزوجة الموظفة والي عندها العديد من الاطفال تخيل معي يومياتها يعني تجوم الصبح مطلوبه تكون في الدوام 7 يعني من بعد الصلاة ما تنام تجهز الريوج وتلبس اليهال وتتجهز للدوام فتلاجيها تحارب في اكثر من جبهة الفطور على النار الباص حج الاولاد ينتظر برا وهي
متاخرة في هالحالة , ومن ترجع من الدوام لازم يكون الغداء جاهز وما شاءالله الدوام الحين الى 2 يعني ترجع شوي وياذن العصر واذا اقتربتم اكثر بتعرفوا معاتاة الموظفة ,في هالحالة تحتاج ان يكون شخص يساعدها ويخفف عنها ما دام الله موسع عليها,وبامكانها في الفترة المسائية تهتم باطفالها تراجع لهم وتقضي امورهم بدون ما تتدخل الخادمة في امور الاطفال . انا ما اتكلم من فراغ بل من واقع تجارب عاشيتها لنساء ناجحات في البيت والعمل مع انه في البيت خادمة .
ثاني شي الام في المنزل تجدر تتحكم بوضيعة الخادمة في البيت وعلى اي حال تكون وبضرب لكم مثل من خلال تجربتي الشخصية مع الخادمات في بيتنا انا الخادمة في البداية اختارها مسلمة واول ما توصل البيت اخليها تلتزم بالزي الاسلامي يعني نفس لبسنا ما يطلع منها شي ثانيا غرفتها بروحها أعلمها على النظافة , والإحترام .
والشي الاهم اني اراقبها في كل صغيرة وكبيرة من اعمالها .

وفي الناحية المقابلة لها سلبيات الي ذكرهن الاخ راشد في موضوعه والتي أرى ان سببها ربة المنزل والاهمال للخادمة في المنزل .

اخي راشد هاذي وجهة نظري وان شاء الله الاختلاف في الراي لا يفسد للود قضية.