أقدر معاني الحبيب اللي يداريني
لازيم الوفا ومعاني الحب يحشمها
أفديه بروحي وعقلي ودمع عيني
حبيبي وحتى الروح هديه أقدمها
أنا صادق وأبوي على الكرم مربيني
الوفا طبعي ونفسي عن الردى أنهرها
أتخير فالناس وما أمشي الامع الزيني
فهيم فالاطباع ونفسي للعز مطمعها
أحشم نفسي ولايطلع مني الشيني
رزين والخطوه أحسبلها قبل مقدمها
لاباسي على قياسي وطول رجليني
حياتي تعلمني الحقائق وأعلمها
دنياي من تجاربي دايم تعليني
أخطئ وأصيب المهم ما أكررها
أعد الليالي وتجاربها وشهورسنيني
أحاول مع الوقت نفسي للمعالي أفهمها
أجنب عن الغلط ودروبه ماتشرف موازيني
والمثل يقول قبل ماتضلع بالنارأوسمها
واذا شفت الناس تترقب مثايل موازيني
من الضمير بيوت الشعر أقوم أنضمها
وفدلة الشعر أزيدالهيل لها تزيني
وأهزلضيوفي الفنجان ولهم أغنمها
والسموحه على التخلط فالتضاميني
وصلاتي على محمد نبي الامه وأكرمها
والسموحه اخواني واخواتي