[من خطيت الدرب وظروفي على نفسي بخيله
والظروف إن طاوعتني مارضى حظي وطاب
والأمل أتعبت عيني من كثر ما أستخيله
الصبر مفتاح واحد ....والفرج مليون باب
والعزوم إن ضاق صدري بالمروه تنتخيله
والليالي علمتني وش خطاي من الصواب
العطية بالعطيه هو جزى الطيب بمثيله
والردي ياهو خسارة للملامه والعتاب
عشت عمري والفكر في كل ليلة...كل ليله
للقمر يسري ويبعد ممتطي ظهر السحاب
من هموم في زمانه من جروح يشتكيله
ما هقيت أحد مثيله يستحق الأنجذاب
لين قلبي قد صدف راعي العيون اللي كحيله
لي صدفت الموت في نظرة عيونه والعذاب
كنت أحسب أن القمر حاز المواصيف الجميله
وأشهد أنه قد قدر يعلن عليه الأنقلاب
يوم صادفني بعين وحدها تهزم قبيله
وبجدايل شاف فيها الليل وحشة وأغتراب
وأشهد أنه ما عتقني وأشهد أنه مافيه حيله
ما تريث لين حطم سوق تلعات الرقاب
ياحظوظ وافقتني بعد ماهي مستحيله
بعدما كانت فعيني مثل ما طرد السراب
ذاك لامنه تبادى يخجل الشمس الأصيله
وكل زين غير زينه قد نوى بالإنسحاب
ممتلي من حد راسه لين أثر موطى رجيله
والخصر مهضوم حقه....منحرم زاد وشراب
من جماله من دلاله يغتن الخل بخليله
يا جماعه في وصوفه ضاع عقلي والصواب
وش بوصف في وصوفه ...وين بلقالي وسيله
وكل وصف من وصوفه لي مثل طعم العقاب
كل ماجيت آتأمل في وصوف تنتميله
مثل من هو ينقلونه من عذاب إليا عذاب
يا عذابي من رموش من على خده ظليله
من على خدن بياضه مثل صفحات الكتاب
والحواجب كل حاجب مثقل جفن يشيله
والنتيجه ناعسات الجفن من ثقل الحجاب
والشفايف قد حوت بلسم لمن نفسه عليله
من تذوق منها ما ذاق عله وإكتئاب
ما عتقني لين ما أدمنت مزة سلسبيله
شل قلبي والثمن مالذ لي منه وطاب

]منقول لــــــــــــــــــــعــــــــــــــــــــــــــــ ــــــيــــــــــــــــــــــــــــــونـــــــــــ ــكم أعضاء منتدانا;)
الشاعر :سعيد الحفيتي