يقول من عارك طواري ليالــيه
يقول من عارك طواري ليالــيه
----------------------------------
قرأت هذه الابيات فأعجبتني عسى أن تنال إعجابكم
يقول من عارك طواري ليالــيه 000 ما قلت لك تحذر جديد الليــــالــــــــــي
ما قلت لك يا صاحبي لا تخاويــه000 الصاحب اللي ما يعرف العدالــــــــــي
يرميك في درب الردى من بلاويه 000 وأنته تظنه من خيار الرجالــــــــــــي
ماتدلاي أنك غافل عن مساعيه 000 ما تدري أنه من دعاويه خالـــــــــــي
مثل السراب يغر من هو نظر فيه 000 مثل الشجر ميت ولا به ظلالــــــــــــي
يالله من دهر سريعه طواريـــــه 000 دهاك وأنته بيم حالي ومــالـــــــــــــي
والخالق اللي كل مخلوق يرجـيه 000 يمهل ولا يهمل عزيز الجلالـــــــــــــي
يامن تولى شأن أحرص وراعيه 000 وأحسب حساب اللي على الخلق والي
شاور سديد الرأي لو ما تدانــيه000 وأسأل حكيم وصاحب العلم غالــــــــي
ما خاب من هوراعي العلم يهديه000 الخاسر اللي طاوع الجهل تالـــــــــي
والجاهل يعادي من الناس هاديه000 يجني على المغرور جهل الجهالـــــي
والمعذره من الجميع
هذه القصيده من شعر الشاعر الكبير الاماراتي (( سالم الزمر ))
|