غربة مالها آخر
راحتي غابت واللي مضى وانطفى شمعة حياتي واللي بقى فيني رماد اسود يرسم ظلام الليل وسواده
مدري السما تمطر سحاب
والا اثقلت عيني دموع وصرت ا شوف الغيث فوق السما وبين السحاب
اخاف العمر فيني ثواني وابتساماتي تروح
اخاف ابعد بعيد الكون ولا الدنيا معاي اتهون
اعيش بآخر اللحظة ومع اللحظات انا موتي
ادور للعمر ممشى ابمشي في نهاياته مع الهاجس وفي ذاته.....
اخالف مدار الريح ومع امواجه انا موالف
ابمسك صورتي مرة ابحلم فيها كم مرة
ابرسم فيها غاياتي ابكتب فيها كل الشوق ومعها سلوتي وذاتي....
مع الدنيا ابتمنى ومع الرجوى دعيت الله
ادون للحقيقة حب ...وفوقه خافقي واله
اخاطر بس في حدودي ..ابين للدروب اخطاي
مسافر رحلتي باكر بغربة مالها آخر
يتيمة وفي حياتي انصاف وفي كل اركانها حاضر
يداريني الأمل بكرة ياحلمي في لقا بكرة
ابسكن في زوايا الداروابألمس بايدي حضن الدار
وابغمض هالجفون وابعد واذا هبت طيوف الحس
ابسهر معها باحساسي وانام بخاطري الهايم
وكلمة شوق انا سمعت
وصرخة حب انا صوت......وبعد اليوم انا راحل