يا هبوب الكــــــوس
---------------------------
يا هبوب الكوس لــي هبيــــــت 000 وقت لعصير من جـدى الغالـــي
هيجـت أشجانــي وحنيـــــــــــت 000 ذكرتني بخلي بـو قـدر عـالـــي
يا هبوب الكوس ليش هبيـــــت 000 أحرقت قلبي وهيجت أشجانــي
سهرتني وجروحي أدميـــــــت 000 الكل يغضي وأنا سهير الليالي
أحييت ماضياً له تناسيــــــــــت 000 ذيك الأوقات لي صارت خوالـي
رسمها بقلبي ولحبها أخفيــــت 000 لا مر طاريها بفكري وخيالـــي
حن لها قلبي والدمع هليـــــــت 000 إذا ذكرت بو عود رويان مالــي
بسطر من الشعر له كل بيــــــت 000 لا مر طيفه باليل الفكــر سـاري
حنيت له وكم أنا له تمنيــــــــت 000 لو كان عندي وهو حــــلالــــي
لعشت مرتاح يمه وهنيــــــــــت 000 وسعدت فالدنيا من الهم خالـي
والله لغيره أبد عمري محنيـــت 000 لني بليت بحبه وهو شجانــــي
الله يبليك يلي فرقت بيننا بليـت 000 بالهم والهوجاس طول الليالــي
ويا هبوب الكوس ليـــش هبيت 000 أحرقت قلبي وهيجــت أشجاني
المعذره هذه الابيات من شعري ليست منقوله .