ودي اكتب شي(ن) ماطرى على لسان شاعر
ودي اجول شي جديد عن الحب والشوق والحزن والمعاناه
ابي اترجم احساسي بطريقه غير
ابي اناظر وش موجود داخل كل قلب
عشان استمد كلماتي منهم
واحس احساسهم واترجمه بسطور
ياليت اقدر اعبر عن كل واحد
مشتاق
زعلان
متضايق
فرحان
ودي اشارك الناس افراحها وهمومها
اعيش فيهم وعندهم واسمعهم واحسهم
مليت من الوحده ومن ترجمة مشاعري بالورق
صدق اللي قال:
من يشوف مصيبة غيره تهون عليه مصيبته)
كنت اظن اني الوحيد اللي اشكيمن جسوة الزمن علي
واثره في ناس الزمن ماحن عليهم ولا مره
ماتركهم يضحكون ولو لمره
جاسي عليهم اكثر من معنى القسوه
دموعهم سوت ندوب على وجوههم
يصرخون ويبكون ولا احد يسمعهم
حتى الدمع صار جاسي عليهم
نشف وما خلاهم يعبرو عن اللي داخلهم
باخل عليهم الزمن حتى بالدمع
دمعه تغسل همومهم وتخفف عليهم
ودي كل يوم اجلس عند واحد منهم
اسمع قصته واشوف همه واشاركه حزنه
يمكن اقدر اوصل رسالته للطرف الاخر
بسطوري الصغيره والمتواضعه
يشوفها
يسمعها
يفهمها
بس ياترى الزمن بيسمحلي وبيسمحلهم