عشــــــت أحلــــــم
لو دريت ان الغدر مخلوق فيك..
لو دريته قبل قلبي يهتويك..
لو حسبته لعبةٍ صار بايديك..
كان ما قلبي تعلّق في هواك..
عشت أحلم..أرتجي لحظة حنان..
لجل أحس بشوق قلبك والامان..
بان كل الغدر في هذا الزمان..
ربي أعلم وش كثر جاني خطاك..
كنت أحسبك في المحبة ما تخون..
تعطي الاحساس وتحب بجنون...
حسبي الله زيف ضحكات العيون..
كم رمتني في بلاويها وراك..
لا تّأسّف ذا خطا جرمك عظيم..
ولو حلفت بربك العالي الكريم..
شوف حالي كم غدا منك سقيم..
روح يا خوّان واتبع لي شراك..
مدري هذا الحظ أو هذا خطاه..
يوم شخصك ذاب قلبي في هواه..
اعتميت بكذب قلبك من غلاه..
ذا جزايه يوم انا قلبي يباك
يا قلب في الناس من مثلك عفا..
صادق الاحساس طبعك والوفا..
ذا نصيبك يوم خلك ما صفا..
أثبت انه كان ماهو بمستواك