قصيده سمعتها للشاعر الكبير ناصر القحطاني

وحبيتها لانها تعبر عن شي فيني ويغيتكم تشاركوني

حلاوة وعذوبة كلام هذا الشاعر الجميل أما بخصوص كلامي انا

فإن شالله راح يجيكم عما قريب . ما راح اطول عليكم اخليكم مع القصيد

وابغي اعرف رايكم في ذوقي ...



[poem font="Simplified Arabic,6,white,bold,italic" bkcolor="transparent" bkimage="http://www.jalaan.com/forum/images/toolbox/backgrounds/21.gif" border="double,6,darkred" type=2 line=0 align=center use=ex num="0,black"]
حبيبي طال موالن يجيب الهم والتنكيد

عسى الله ما يخليلي خليلن كان خليتك

يا بو عذرن يشابه ضحكة الاطفال يوم العيد

انا بكيتك !؟ حشا واللي فتني فيك ما بكيتك

حرام بعينك الدمعه حرام بصدرك التنهيد

حرام البرد يمضغ راحتينك ما ترضيتك

تعال وكل جرحن فدوتك يبرد من التنهيد

اشوفك من زمان وقدر المولى وحبيتك

من اول مرتن شفتك تمنيتك وصرت السيد

وتمنيت اني اصلن يوم شفتك ما تمنيتك

تخيل كيف سكنتك وخليت القريب بعيد

وروح كل عاشق يحلم ببيتن مثل بيتك

حشا ما مرني يومن صبوح الا انت بالتحديد

تراك الصبح في عيني من اول ما تهجيتك

نسيت إنك ضفرت بزفتن تستاهل التمجيد

ولا تلحق جداها لو تجمع لي تناهيتك

نسيت إني وضعت الشمس في كفك وعفت الغيد

وحطيت القمر في كفك الثاني وخاويتك

تمتع بالغلا ياللي يسمونك عنيد الصيد

وانا يا كثر ما غرتني حروفي وسميتك

حبيبي لا سقا الله عرفي الاول قبل اجيب العيد

سقا الله يوم طشت إلا سقا الله يوم حبيتك[/poem]


هذي طبعا مختصره وايد .... واللي يبي يسمعها كامله او غيرها للشاعر او لغيره من الشعراء يروح على هالرابط

http://www.qassimy.com/qsayend.htm

والعذر والسموحه منكم