المشاركة الأصلية كتبت بواسطة الشأإأإأإمخ
مسا البارح ومع فارق الشوق والتوقيت
سرت بي هواجيسي ولاعاد جابوني
انا حد علمي بي قبل لااكتب أول بيت
وأنا ماوعيت إلا وهالناس يقروني
تغنوا على حزني طرب وانت كيف امسيت
تعبت ازرع شعوري واكسر لك غصوني
لك الحب يجمعني حطب والوله كبريت
مسا البارح طيوفك لقوني وشبوني
وانا مع طيوفك لين قبل الفجر واحييت
تفاصيل ليلٍ يزرع السهد بجفوني
يالولاك يامساحة الصبح كان ابطيت
وانا استحضر احساسي واهيجن لك شجوني
أنا ان غبت عنّك يوم / يومين لك عنّيت
هذا وانت بعروقي وقلبي وبعيوني
ياليتك على طيوفك قبل لاتجي عييت
وياليت الظروف اليا تمنيت طاعوني
يابو قلبٍ أطهر من ثيابك إليا صلّيت
ويابو ضحكةٍ من تبتسم يبتسم كوني
ويابو وجهٍ يغار القمر منْك لاطلّيت
وش العمر من دونك؟ ودنياك من دوني؟
دخيلك اليا من جابني طاري وحنيت
لاتذخر من احساس الوله شي لعيوني
معاك المشاعر طبّقت خطّة التكويت
تمنّيتك انت و واجد اللي تمنوني
.
.
. |
قصيدة جميلة ذات معاني مختلفة واسمحلي اخي الشامخ على هالمداخلة البسيطة
.
.
.
مساء البارح على طاري الجفا والبعد والميصال
سرى قلب الغرام مع الهجوس وفل جنحانه
عتب مدري ملام وإن بغيت تقول ضيقة بال
على قسوة ظروف و صدت الغالي و هجرانه
حبيبي مالقيت لشمس بعدك في لقاك ضلال
تخيلتك سحاب يسقي الضميان هتااانه
حبيبي كيف تقسى وانت لك قلب الشقى مدهااال
وانا اللي صب لك حلو القصيد ودم شريااانه
حبيبي ماتضيق بك الحنايا والليالي طواال
مادام العمر باقي به حياة تعيش بأحضااانه
لك الله ماشغلني غير حبك لين سم الحااال
وتوسدت الجروح وقلت ديني عند ديانه
ترى كلن يطيب الا صويب الحب ماله فاال
يميل مع الهبوب الى ذكر جرحه وخلانه
تنازعها الطواري لنتصف ليله ودمعه ساال
تذكر واحد زود جفاه وقلل احساانه