البـال ضايـق والهواجيـس جتنـي وقامت تـزايـد بالضمـيـر وحكـابـه
واحاول اسكت بس ضيقه حدتني. تجعل قـوي البـاس يفـقـد صـوابـه
حـبـيـبـتـي بـغـيـابـهـا حـيـرتــنــي. راحت ولاادري وش سبايب اغيابـه
يـالـيـتـهــا بـغـيـابـهــا خـبــرتــنــي. يمكن علـى قلبـي تخفـف مصـابـه
راحــت بـعـد مابـالـهـوى ولعـتـنـي. من بـعـد ماحـبـه بقلـبـي صطـابـه
يمكن هجـر يمكـن دلـع او نستنـي. او شي ماني حاسبـا لـه احسابـه
مـــن اول مـافـيـه يـــوم اهجـرتـنـي. دائم علـى قـربـي تـسـوي اطـلابـه
لاغـبــت عـنـهـا بنفـسـهـا ذكـرتـنـي. لو هي دقـايــق تعتـبـرهـا غــرابــه
والـيــوم غــابــت دون مـاودعـتـنـي. الله يـعـيـن الـقـلـب مـــن حـــر مـابــه
بـبـقـى عـلــى ذكـــراه لوعـذبـتـنـي. واصبر على فـرقــاه لــيــن الـقـابــه
دام الامـــل مــوجــود لوابـعـدتـنـي. سود الليالي لـيـلــهــا يـنـســرابــه
بـسـريـبـهــا لــوانــهــا سـهـرتــنــي. كم واحــدن قـبـلـي لـخـلـه سـرابــه
احمـل اهـمـوم افراقـهـا لوخذتـنـي. من الـسـعــاده لـنـكــد والـكــرابــه
واسقي اغصان الحب لو اتعبتني. من شـان خلـي باحتمـل كـل مـابـه
وخيـالـهـا مـعـيـه و لـــو فارقـتـنـي. لو الغياب مــســوي لــــه احــرابــه
لـوانـهـا تـرجــع ولـوهــي كـوتـنـي. ارحم مـن غيابـن يطـول الـرجـا بــه
وتشوف حالي بعد ماهي رمتنـي. في حبها من دون تحسب احسابه
لعلـهـا تعـطـف واقـــول ارحمـتـنـي. وتشفي جـروح نـازفـه مــن غيـابـه
وانـــا وفـيــت بحـبـهـا واهملـتـنـي. ما قدرت. خــلـــن بـحــبــه وفــابـــه