منتديات جعلان - عرض مشاركة واحدة



طبعا عقب ما يغسل اللحم تمتم ونشل عنه الشحم ونفركة بالخل
والطحين نحطة بماي حارة ونخليه يغلي زيين تقريبا مدة ساعة لين ساعة ونص
حسب طبيعة اللحم ولين يطرى
ونخليه ع صوب

ونقلي البصل وعقبها خمس دقايق نضيف الثوم
ونتركهم لين يتحولون لها اللون

عقبها نضيف البزار

اللي عبارة عن الكركم

والسنوت البودرة

والفلفل

والبزار المشكل

وماجي اللحم

ونضيف اللحم ونحمصة مع البزار لمدة خمس دقايق
والاهم ان نضيف ماي اللحم المسلوق
ونضيف العيش اللي كنا منقعينة بالماي من قبل

ونضيف عليه مقدار قفشة صغيرة من السمن

وهالشي يعطي طعم وااااايد لذيذ للطبخة

عقبها نخلط اللي داخل الجدر ونذوق طعمة عشان نعرف كمية الملح اللي لازم نضيفها
وعقبها نضيف الملح

ونحط قطع البطاطا

ونسكر عالجدر عدل ونخليه ع النار لين يستوى العيش

وهني صورتة عقب ما استوى

وهني يوم حطيناه بالصحن

وصحتين عقلوبكم مقدما