توك صغيره وابتديتي تحبين + من علمك ليل السهر ياصغيره ؟
قصيدة ( توّك صغيره )
وهي احد بنات افكاري التي اتمنى ان ارى ردودكم المميزه عليها كما عهدناكم
توك صغيره وابتديتي تحبين = من علمك ليل السهر ياصغيره ؟
بدري عليك العشق يابنت هاللحين = حرام هذا القلب وشهو مصيره ؟
انتي بريئه في الهوا ليه تشقين؟ = دروبه طوال ٍ عليك وعسيره
رحتي بدرب ٍ ماله اصلا ً عناوين = وانتي مشاويرك من اول قصيره
ياطفلة ٍ حبّت وراحت على وين ؟ = عقب الهنا ذقتي الحياه المريره
وينك ووين الحب والشوق والبين ؟ = عنّيتي عيونك وصرتي سهيره
امحق تسلّي كان ودك تسلّين = الورد لولا اللون وشهو عبيره ؟ ؟ ؟
خلّيتي دروسك وصرتي تحاتين = الدرس في ديره وصرتي بديره
وصرتي بعد من غير هذا تغارين = والمشكله يابنت منتتي خبيره
نصيحتي لك كان ودك تردين = يم السعاده والحياه المثيره
خلّك بجو العايله لا تعدّين = ماما وبابا والعجوز الضريره
شيبانك اللي ما يبونك تعانين = من بينهم عشتي كأنك اميره
الحب قبلك هز ناس ٍ كثيرين = خلا القلوب تعيش هم ٍ وحيره
والحب يفضح لا انكشف داخل العين = وانتي بنفسك ما هقيتك بصيره
طيعي كلامي واحذري لا تمادين = تراجعي لعل في الأمر خيره
عيشي الطفوله والبراءه لك سنين = وبعدين حبّي لا غديتي كبيره
مــــــــــــنــقول للعلم
|