منتديات جعلان - رسئل من المندوس****2006****

السلام عليكم ..

مساكم ورد ... اهدي لكم هذي الابيات واتمنى ان تنال بعض الاعجاب .. <<=== ما بغت تطلع هالمقدمه .. :)

-----------------------------------

إن العيون التي في طرفها حور ٌ * ودّت عيال الحمايل في خبــــر كانا

يصرعن ذاللب حتى لا حراك به * على سبيل التجارب عندكم آناااااااا

يا أعدل الناس إلاّ في معاملتـي * ما هوب حق ٍ تولعنا وتنــــساناااااا

-----------------------------------

من ليلـة البـارح وحابسنـي الضيـق * عسى صباح اليـوم يطلـق سراحـي
.
وعادت لي الضيقه على فكّـة الريـق * الله يهوّنـهـا ويسـعـد صـبـاحـي
.
لا قمت أدرّجها على قـد مـا اطيـق * تغانمتنـي مـن جمـيـع النـواحـي
.
بينـي وبيـن الغرغـره والتشاهـيـق * أرمـاش عيـن وجلسـة ٍ وإنسداحـي

----------------------------------

يالهنوف اللي تمسكنتي ومكنتـي * لين مشـّـيتي المحبه مـع وريدي

في خفوق ٍ ما سكن به غيرك انتي * ياهوى العشـّـاق يا عنق الفريدي

لك غلا " من يوم ما جيتي وسكنتي * لا يزعزعه الـــــــزمان ولا يبيـــدي

باقي ٍ من حيث ما رحتي وكــنتي * ويتجدد لك مع الـــــــوقت ويزيــــدي

ولا تمايلتي .. وحنيتي .. ولنتـي * حن معك ولان ابو قلب ٍ حــديدي .. :)

---------------------------------

يا ويلي منك ما شاء الله عليك ويا عليك إسلـوب * يزعزع سطوة الساطي ويخلف هقوة الهاقي

تراسلني ولامنّـي قريـت الخـط والمكتـوب * تحدّر دمعي وجرّح خدودي وأحرق أوراقـي

تذكرت الكلام اللي علـى راس اللسـان يـذوب * تمر الكلمـه ويبقـى صداهـا داخـل أعماقـي

بغيت اسلا واقفّي عن دروب اهل الهوى وآتـوب * وأكفر عن ذنوبـي وآتلاحـق عمـري الباقـي

لكنك جيت في دربي ولحقت الذنـوب ذنـوب * وأظنك بتحداني للهـلاك وتقطـع ارزاقـي

----------------------------------

انا وشلون؟ والا كيف؟؟ اروح بصوب وأنت بصوب * عقب ما حـن رعـادي عليـك ولاح براقـي

انا(في ذمتك)و(ادخل عليك)و(طالبك مطلوب) * لاعاد تجيب لي ذكرى الفراق وتطري فراقي

عقب ماجبت لي ذكرى الفراق وخاطري منكـوب * تعكر جوّي وضاقت عليّ وشانـت أخلاقـي

مع إني والله إني خابر ٍ عقب الشـروق غـروب * وهـذي سنـة الله سنّهـا فـي كـل الآفاقـي

-------------------------------------

الا يا بهجة الخاطر سلامات وخطاك السو * تريـّح واسترح فأقصى الخفووق وحرّك غصونه

يمر الوقت ويدور الزمان وصاحبك هو هو * على عهد الغلا يـدرَى على معناه ويصووونه

عرفتك من زمان ولا بليت بــحبك الاّ تو * لو انــي ما عرفتك ما عـرفت الحب وشلوووونه

تمخطر يا هوى بالي ونفـّـذ ما تريد وسَو * فـــداك .. ولا عـليك من الكلاااام اللي يقولوونه

---------------------------------

ياسكرة ٍ فيها دواي .. وداي .. ياطب القلووب * يا مبتدى رحلة عذاب الولف يا مسك الختااام

يا مبسم ٍ .. يشبه شعاع الشمس قدّام الغرووب * اليا تبيـّـنت وكشفت .. وبان من تحت اللثاااام

اجيك راضي بالمجي لا جيت آروح إمغصوب * ادمنت لذة حبك وجاني على شوووفك هياااام

في غيبتك صدمة صدوف الوقت ما منها هروب * تـثـّر على قلب العنا المجرووح وتهز النظام

--------------------------------

وسلامتكم ..

الف تحيه ..

.