الله واكبـر كيـف عنّـي تخلّيـت
 

ودعتك الله لو على قلبـي اخطيـت
وحاربتني من دون ذنـب وخطيّـه

احسبك تذكرني إذا اصبحت وامسيت
واثرك على فرقـاي نفسـك هنيّـه

الله واكبـر كيـف عنّـي تخلّيـت
من بعد ما علقت روحـي البريّـه

وش غيّرك وش بدّلك ليه صدّيـت
وانت الذي بالقلب نبـض وهويّـه

من هو بقى لي بعدما عنّـي اقفيـت
وقدمتنـي للحـزن اثمـن هـديّـه

كلـش تخيلتـه ولا يـوم ظنيـت
إنك لحـد غيـري ولانتـاب ليّـه

ويلك من الله كيف بالحب ضحّيـت
قلبك حجر مـا حـنّ يـومٍ عليّـه

اللي بنينا بْعمر فـي يـوم هدّيـت
واحلامنـا مـا عـاد منهـا بقيّـه

اتعـد غلطاتـي إذا يـوم زلـيـت
من دون مدري .. وين ذيك الحميّه

مافيه معصوم الخطا لـو تحريـت
ولا فيه كامـل غيـر رب البريّـه

ولو ما احبك ما نشدتك ولا اطريت
بعدك وصـدك وانتخيتـك نخيّـه

ترجع لقلبٍ يـوم بالعقـل حبيـت
وتترك هل الأحقاد واهـل الوشيّـه

خايف عليك وخايفٍ منـك ياليـت
مايوم حبيتـك وصـرت الضحيّـه

لا نيب حي بعد هجرك ولا ميـت
ولا ني مريض ينعـرف بالشكيّـه

لكنـي ادرى بحالتـي لا ترديـت
ولا ينفـع الملتـاع طبـه وكـيّـه

مالي سوى اللي كلمـا راح ناديـت
يا كـود يسمعنـي ويرجـع إليّـه

تحياتي
الهاجس

تسلم يمناك اخوي الهاجس على ما خطت

كلمات رائعه اخوووووووووووي
سلمت يمناك

يعطيك العافيه اخوي الهاجس على ما خطته انامل يدك من اروع الكلمات
تحيتي لك
اخوك
جعلاني للابد

اشكككككككككككككككككككككككككككرك على الابيات وما قصرت والشعر بهذي اللهجه يعجبني

يسلموووووووووو جمع للمرور الرائع

تحياتي اخوكم
الهاجس

يعطيك الف عافيه أخوي الهاجس

ابدهت كعاداتك خوي الهاجس وان شاء الله للامام ....وان شاء الله الي تناديه بيعووود لك .......لا ماتخلى عنك لكن مشاغل الدنيااااا اللي تأخذ الواحد .....وبأذن الله يرجع لك ,,,,

عطر النسيان
ويعافيكي تشكري للمرور
الراسبيه
مشكوره ع المرور الجميل
الهاجس

تسلم أخوي الهاجس على الكلمات الرائعه