بـت اردد ونتـي والعـيـن تــذرف = وتحـرق جفـنـي بدمعـهـا الـدافـي

عيـن مالهـا فالبكـا نــد مـسـرف = تهطل دمعها دون حسـف ولا حسافـي

تجتاحني غياهيب الدجا على حس مرهف = وتحرك شجوني والمشاعـر بالكلافـي

تهيضني لذكرى لهـا الخافـق أشغـف = يرحل بي لاعج الشوق وقـت مصيافـي

من مصاب صابني بالحب ولا آنصـف = واصرف صوابي عن صفوه الصافـي

سطابي على صهوة ادهـم ولا الطـف = و اطلق اسهام حبه على صدري ارضافي

حينهـا ياخـوك يـوم علـي اشـرف = عجـزت امشـي ولا شلنـي اطرافـي

امضى واترك ذيـك الطعـون تنـزف = واسرت عواجبها بالجـوارح بالاتلافـي

اسرني وصرت مـن ضحايـاه الالـف = والله عليـم بحالتـي يــوم اشتـافـي

منيـع علـي حبـال حـبـه تلـتـف = مابين رمشـه وموقـه وخـده الدافـي

احبـه لا يانـي منـه لاذع الـطـرف = واحـب عيونـه الشـهـل الهـوافـي

واحبـه لامـن تمايـل عـوده التـرف = واحبه يـوم يمشـي بالكيـف والرافـي

واحبه دام طلب حبـه العنـت والتكلـف = واخلـص لحبـه عـن كـل خـافـي

واحب تـراب وطـاه خفيـه واعـرف = تربي فيه عن السمـت وطبعـه الوافـي

واحب اصلـه عالـي الهمـه والشـف = لي تحدر مـن قـروم ونسـل اشرافـي

احبـه ومـن اجـل حـبـه احـلـف = كـل البيـض لعينـاه خافقـي عافـي

بو صالح من له شان بالشعر والعـرف = وله المعاني ارسـت فبحـور القوافـي

لك سطرت على متن طروسي احـرف = اشكلهـا بوابـل عيونـي ومـذرافـي

ثيبني يوم كـل المـلا عنـي اعـزف = واحـكـم لحالـتـي حــل شـافـي

وش حيلتي هذا الفجـر علـي اشـرف = امسح دموعـي والليـل عنـي مجافـي

لك اكتب ابياتـي يامغـزر الـذرف = ياللي مصابـك بالعيـون الهوافـي

شكيتلي همـك وانـا لـك ابـردف = همومـي جعلهـا لــك تـوافـي

قالوا من هو ببلـى غيـره عـرف = تهـون عليـه بلـواه بـلا خلافـي

اللي جرالك مـن هافـي الطـرف = صابـك ومثلـك صابنـي هافـي

الحب ياخوي كم واحد منـه خـرف = منـه وباسبابـه ومالقـى اسعافـي

وانا اشهد انك شرحت بدقيق الوصف = حال اهـل الهـوى شـرح وافـي

عرفت انا الحب ومصاوب الطـرف = قبل اعرف النطـق واسنـان مافـي

حبيـت انـا قبـل الفـظ الالــف = والبـاء ولا لـي قـول صـافـي

رماني الحـظ ومسـاوي الصـدف = على اللي بالهوى ماعنـده اعرافـي

احبه ولا اسمع فيه قط ابـد حـرف = واسمه اذا مربي صابنـي ارجافـي

واذا وصلني منـه هـادي الهـذف = يبيـت قليبـي بالـفـرح رفـافـي

اغرف له من صافي العسل غـرف = وهومـن السـم يجرعنـي زعافـي

مهما الوفا جاه من صـادق الولـف= جـزاه بغـدر النـاكـر الجـافـي

الحب لاكان مـن واحـد الطـرف= يضني ولا بد له من ثاني اطرافـي

واليوم هـو عنـي ساهـي التـرف = ولا دري باللي حصل مـن اتلافـي

اعرس له قريب السـت والنصـف = وتركنـي اذرف دمعـي اذرافــي

عـزاي انـا فـي جـرح ينـزف = انه قرير العين فـي عيـش دافـي

بظلـي احبـه ليـن ابلـغ الالـف = ولا قضـى الله بامـره الخـافـي

سامحه ربـي هـو نعـم منصـف = عا اللي جرا بسبتـه مـن اكلافـي

وانا اطلب من الله يعطف ويلطـف = وبالعوض يتكرم وسيـع الالطافـي

ويغفر ذنوبـي مامضـى واسلـف = وللرشـد يهـدي وسبيـل العفافـي

وختامها صلوا عالنبي عد مااشـرف = صبـح وادجــى لـيـل جـافـي