امــنيــــــــــــــــــــــــــــاتي
 

كـلــن تـمـنـى فـــي حـيـاتـه امــانــي

وانــا اتـمـنـى امـنـيـه انـــي امـــوت


مظـلـوم فــي دنـيـا بـهــا الله بـلانــي


عايش ولكـن عايـش انسـان مكبـوت


عـايــش يـتـيـمٍ مـاعـرفـت الامـانــي


غصبٍ على اقبـل انـا الظلـم بسكـوت


الـحـظ ضـــدي والـبـشـر والـزمـانـي


باسبابهـم همـي بـدى يلوتـنـي لــوت


حسـره طـوت قلبـي وحــزنٍ طـوانـي


اليـن حزنـي صـار بالصـدر منـحـوت


حـتـى حبيـبـي خــان حـبـي وحنـانـي


وحط بفمـي علقـم وانـا مذوقـه تـوت


خـان المحبـه صــار شـخـصٍ انـانـي


وحرّم علي حتى اتصل اسمع الصوت


مــادام صـرحـي انـهـدم مــع كـيـانـي


وش تنفع الصرخـه اذا فايـت الفـوت


ايــوب لــو سـاعـه يـكــون بمـكـانـي


ماكان فـي صبـره تـرى تكتـب بيـوت


الـمـوت ارحــم مــن حيـاتـي اعـانـي


ولاظـن فيـه ارحـم عليّـه مـن المـوت


ياسـعـد قلـبـي كـــان مـوتــي لـفـانـي


ويازينـهـا لاصــار جسـمـي بتـابـوت


يــارب حـقــق لـــي انـــا هـالامـانـي


ارجيـك يامنجـي نبـيـيك مــن الـحـوت

مشكور اخوي مرجان على احساسك الصادق

ومرورك

كلمات جميله ومعبره

تسلم يمينج يا عسوله على ما خطت

كلمات جميله وما اقسى الحياه بس نتعامل معها بحذر
اشكرك اختي عسوله صلاله على كلماتك المعبره

كلمات رائعة ومعبره

اشكرج اختي عسولة على احساسك المعبر

الله يسلمج يالغالية

مشكور على مرورك اخوي ولا تحرمنى من ردودك

واني اشكرج على مرورك

الله أكبرعليك يازمن
كيف تظلم الناس والاحباب
أختي عسولة صلاله لاتيأسي من الحياة
ولاتتمني الموت وتدعيبه على عمرج
(لايأس مع الحياة ولاحياة مع اليأس)
واللي قدرعلى فرقاك تقدرعلى فرقاه
وأصبري فالصبرمفتاح الفجر
والى الامام دائما ولاتحرمينا من مثل هذه القصائد
التي يعجزاللسان في وصفها

أخوج:عاشق الكاسبي