اعضاء مجلس الشورى
 

موضوعي اللي حبيت اطرحه وأخذ رايكم فيه هو مثل ما باين بالعنوان بخصوص أعضاء مجلس الشورى.
بصراحه ما شفنا شي جديد للولاية ، غير كل شخص يخدم نفسه بس . يعني الحين شو فايدة العضو هل بس يكون همزة وصل بين الناس والوزراء او يخلص معاملات المواطنين بالوزارات وغيرها.
طيب ليش الحكومة ما تمنع أعضاء المجلس عن استغلال الوظيفة يعني الحين اصبح الوزير يضطر يخلص المواضيع اللي تجي بواسطة عضو المجلس عشان لما تجي المناقشة بمجلس الشورى بين الاعضاء والوزير يسكتوا ولا يناقشوا عشان كذا نشوف الاعضاء حد نايم وحد ما جاي الاجتماع اصلا وحد من يدش الا يطلع ولا فاهم شي ابدا بس ياي يسلم عليهم وراجع او عشان يطلع بالتلفزيون وبالنسبة لمواضيع الفقير اللي ما عنده حد ما حد بيخلصها وبتم سنين بالوزارة وبالاخير بينسوها ويمكن يجي دوره بعد ما يموت.
والاعضاء ماشاء الله حدث ولا حرج اراضي صناعية لهم ولعائلتهم كلهم واسطات لا وهم حتى كلمتين عربي صح ما يقدروا يركبوهن مع بعض.
هذيك المره بالبث المباشر واحد من الاعضاء يحاوروه وبغوا يمسكوا شي من عنده سواء المذيع اوالضيف ولا قدروا يفهموا شي والموضوع عن الحفر بالشارع ( هو طايح فيهم خبب عندنا خبب ) الحين هيش عرفهم الحضر والا حتى بالشرقية شي منهم ما يعرفوا خبب ، والمذيع يقوله وضح شو معني خبب والطيب ولا عنده خبر وبعدين انت عضو مجلس تقوم تتصل بالبث المباشر حالك حال اللي مقادر يوصل مسقط هذه اخرتها يعني مترشح عشان تتصل بالبث المباشر وتسمع الناس اسلوبك الحواري الرائع.
انا عن نفسي والله ما يشرفني هالعضو يمثلني ، يا ناس اعضاء المجلس واجهه للولاية يعني الناس تشوفكم بالاعضاء اللي يمثلوكم ولو كان العضو مايعرف لا اسلوب حوار ولا غيره معناها بعد ولايتكم مراح تستفيد شي .
اتمنى يحطوا نظام البكالريوس والا حتى الماجستير عشان اللي يبا يترشح سواء لمجلس الشورى والا حتى للمجلس البلدي والا حتى لاعضاء اللجنة المحلية.
حبيت اخذ رايكم وكل من له غيره لبلاده يقول وجهة نظره ويشرحها.
تحياتي لكم.

موضوع جميل ومن صار مجلس الشورى واحنا نعاني من نفس المشكله بس الفتره الاخيره احس فيه تحسن والايام الجاية راح تكون احسن والاعضاء راح يكونو اكثر فاعلية.
اخي العزيز اهل الولاية هم من يختارو ممثلهم يعني يجب على كل شخص يختار الشخص المناسب وبضمير ولا يجامل لانه راح يمثل ولاية كاملة ومن مصلحتهم اختيار الشخص اللي راح يرفع اسم ولايتهم وراح يعدل ويطور فيها.
الشورى ثقافة ووعي وفالاخير مسؤولية ولكل شخص يتحمل مسؤوليتة

تقبل مروري السريع

كلام منطقي وصحيح
يا ريت لو يعدلوا شروط التقدم من 29 سنه حتى 45 فقط
اغلب الناس يختاروا أعيان البلده ع بالهم بقدموا أكثر
بس يا ريت نعطي الثقه للشباب
عندهم حماس وفاعليه ونشاط

اقتباس المشاركة الأصلية كتبت بواسطة ţнэ qōęėи http://www.jalaan.com/forum/mustafa1...s/viewpost.gif
كلام منطقي وصحيح
يا ريت لو يعدلوا شروط التقدم من 29 سنه حتى 45 فقط
اغلب الناس يختاروا أعيان البلده ع بالهم بقدموا أكثر
بس يا ريت نعطي الثقه للشباب

عندهم حماس وفاعليه ونشاط

هلا وغلا كوين
مشكوره ع مشاركتك الحلوه
شروط التقدم من ثلاثين وفوق والمشكلة نحن تفكيرنا هذا من قبيلتي وهذا عدوي
واذا بهالحال مراح نوصل مكانطبعا ما نقول الشخص ما يوقف مع بن عمه لكن اذا في شخص متقدم غيره واحسن منه ليش انا ما اقنع بن عمي يتنازل عن الترشح وهالكلام لو صار بكل مكان بقطاع جعلان كلها مراح يصير هههه

اقتباس المشاركة الأصلية كتبت بواسطة ţнэ qōęėи http://www.jalaan.com/forum/mustafa1...s/viewpost.gif
هههههههههههه التنور ف العقول معنا ختيييير

بالرغم أنه الأغلب تأيد رأينا أكيد بس ما تنفذ

مستحيل تنفذ الدم والعرق يلعب دوووووووووووور كبير:vb90:انا ما يالي رشحت ولا برشح بحياتيمرتاح كذا