منتديات جعلان - بناااات خذن العبرة ... ترى هذا جزاء اللي تروع زوجها ....

السلام عليكم ورحمة الله وبركاته........

وش حالكم عسااااكم دوووووم بخير.......

هذي قصه اعجبتني قريتهااااباحدى المنتدياااات وان شاءالله تعجبكم.....

....عندي واحد من الربع ما شالله عليه جسم ويلعب حديد وملاكمة في عده أندية يعني جسم حق مضاربات
وكان دايما يسولف لنا عن مواقفه وعن مغامراته
ويقول في وحدة من قصصه:

كنت طالع للبر ويا الشباب وهناك شوينا ولعبنا وسهرنا الين الليل وتقريبا لساعه 3 وبعد ما خلصنا من الوناسة قررت أرجع للبيت

يقول :

دخلت أتمشى على أطراف أصابعي علشان ما أوعي ولدي الوحيد محمد وزوجتي ودخلت الحجرة وانا أتسحب والبيت كان مظلم وانا أبا أغير ثيابي وآخذ دش لان ريحتي ما تنطاق من هالبر وطلعت من الغرفه اتسحب ودخلت الحمام وتسبحت وتعدلت وطلعت اخر شياكة

وتوني فاتح الباب الا اللي طلع في وجهي وقال :

بوووووووووووووه

هو بس ما كمل الكلمة الا ويجيه ذاك البكس اللي حسيت ان البيت ارتج والطوفة اللي ضرب فيها من بكسي حسيت انها تكسرت
وشغلت الليت القريب مني وأول ما اشتغل وشفت اللي ضربته بكس

يا ويلي

يا سواد ليلي

طلعت زوجتي ومغمي عليها !!
واخذتها للمستشفى

وهناك ارتاع الدكتور وقال لي : انتو صاير لكم حادث؟؟

قلت : لا يادكتور انا كنت اتسبح وتوني طالع من الحمام الا تروعني وتقول بوووه وانا عطيتها بكس

قالت الممرضه المصرية : انتا متوحش
قال الدكتور : عموما بعد الاشعه راح يبان كل شي

يقول خوينا

بعد الاشعه اتضح ان عندها كسر في جانب الانف وتورم تحت العين
وبعد يومين رحنا للبيت وكنت طول ما انا عندها اعتذر لها وهي مش معطيتني وجه ويوم تكلمت قالت :
لعنبو دارك كنت فرحانه بك ومتكشخه على شانك وفي الاخير تسوي فيني جييه!

قال : الله يهديج بس .. عيل أنا توني ظاهر من الحمام وتقولين لي بووووه انا ارتعت وما حسيت بنفسي!

بعد ما خلص السالفة انا واللي معي طبعا شي أكيد انسدحنا من الضحك على هالرقله........

نصيحه لكل بنت اتعضي من هذي القصه ولا تروعين زوجك ليجيك ماجاهاااا.......