منتديات جعلان - الله يوفقج يـــــــــانوال تزوجتي وجبتي بنت

تبي تعيش صح ؟؟

صحصح..

كل امر له ايجابيات وسلبياط اسف بالتاء لكن احيانا نحتاج للموازنه لان السلبياط كالسياط ..

والسياط تجرح الجسم بل تضعفه وتوهنه وتجعله غير منتج ومقيد ..

كم من علاقاتنا نبدئها خطأ عشان كذا ندفع ثمنها غالي ومابني على باطل فهو باطل ومن كانت بدايته

خطـــــأ فلاينتظر الاستمرار او التصحيح بالخطـــــأ ..

احيانا نتعلق بزملاء نعطيهم الثقه المطلقه او نضع الثقه فيهم بشكل مبالغ فيه ولسان الحال يقول ..

((لقيت روحي بعد مالقيتك)) ومع اول مطب او حاجز يتغير الامر 180 درجه ((اشوف بليس ولااشوفك))

سبحان مغير الاحوال من حال الى حال ..

نــــــوال الكويتيه ((قيثارة الخليج))

انا من المعجبين بهاي الفنانه بصراحه متواضعه لابعد الحدود..

غنت ((لقيت روحي بعد مانا لقيتك بعد اللقاء ارجوك لا لا تغيب))

وعلى اساس يكتمل البيت بعد اللقاء ارجوك لا لا تغيب وهذا الاهم يانوال يعني بعد الزماله اهم شيء

الاستمرار على الزماله وهذا الاصعب..

بالاستمرار يستفيد الجميع وتقوى العلاقه وهذا يحتاج تضحيه يانوال اسمحيلي عاد ع التدخل في اغنيتج

الله يوفقج يانوال والله يخلي لج بنتج وتتربى بعزج يارب ..

بصراحه انج صح ومصحصحه يانوال لكن اسمحيلي بسوال بس في نفس الاغنيه ..

((ليت النجوم تقبلها مني ياليتك في كل فجر بقول ياشمس غيبي))

تضحيه لابعد الحدود الله يحفظج ويحفظ بنتج ((حنين))

السوال بعد هالتضحيه وهالامنيات قلتي ((كم لي اصيح واقول ياني فديتك ماعاد شي من نصيبي نصيبي))

يعني تركتي كل الناس وبعتي الدنيا لعيون من تبين هل هو يستاهل هالتضحيات ؟؟

واذا كان يستاهل ليه تتركي الناس كلها لعيون من تبين ياام حنين ؟؟

اسمحيلي يانوال اسال قراء الموضوع اذا مريت بموقف مماثل او سمعت عن هالموقف كيف تتصرف

بعد مايروح الصديق ويبعد ويختار درب وانت ضحيت سنين من عمرك لاجله ..؟؟

الله يحفظج يانوال ممكن تروحين احين ونتريا يديدج يالكويتيه ..