|
لا يوجد رسوب...و كد يا استاذ
موضوع مهم وحصلته بأحد المنتديات وأعجبني وهي بالحقيقه قضيه مهمه جداً وحابه نتناقش فيها وأشوف وجهات نظركم فيها
ما شي رسوب ...يعني ياطلاب استهتروا كلكم ناجحين...يا طلاب لعبوا فالحصة كلكم ناجحين...المعلم يهددك بالدرجات خله يولي كلكم ناجحين..لا تذكروا لا تفهموا لا تعبوا نفسكم في شي كلكم كلكم ناااااااااااااجحين. يا مدرس اشرح واهلك نفسك ما حد يسمع ماحد يفهم لانهم ناجحين بفهم و بدون فهم ... تحمل استهتار الطلاب لانهم ناجحين...تحمل ان يكون عند طالب مستواه صف خامس وانت تدرسه منهج تاسع ..وكد يااستاذ تراهم كلهم نااااااااااااااااااجحين. |
بالفعل اختي عطر هذا اللي صاير كل الطلبه ناجحين بسبب التعليم الاساسي وشو الهدف منه وانا على حسب ما سمعت جرب في دول ثانيه وكان نظام فاشل بس الله يعين الجيل القادم من هذا النظام
واشكرك اختي عطر على موضوعك واتمنى من الاعضاء المشاركه لانه بالفعل موضوع مهم |
والله صدقتي في كل كلمه قلتيها
وما ذكرتي هو معاناتي اليوميه دائم في حالة تفكير لأبتكار طرق جديده تشدهم للدروس |
صج أختي أحنا بحاجه إلى إبتكار طرق جديده وحديثه لأبناءنا الطلبه تجذبهم للدراسه وتحببهم فيها
|
ويش هي الطرق؟؟؟؟؟؟؟؟
كل بيت وله مفتاح مثلا طلاب الابتدائي اشوف ينفع معهم اسلوب الترغيب والترهيب او طرق ثانيه مثلا طالب او طالبه مشاكسه داخل الصف شو هدفها او هدفه يبي يثبت وجوده او تثبت فانت كا معلم كيف تتصرف تحاول تقرب منك ذاك الشخص مثلا تكلفه باعمال داخل الصف او خارجه طعتيه اهميه علشان يحس له وجود تثني على الطالب اذا قام بالاعمال او شارك بصف وطرق كثيره مثل تحط الطالب اول واحد اذا ما نفع نجي على الترهيب او نمسكه من ايده اللي تعوره ولي الامر نستدعيه جدام الطالب بحضوره يعني الطالب والاب او الام يكونوا مع بعض وتشوف مشكلته اما موضوع درجات للابتدائيه ما ظن يهتمو فيها اساسا حتى لو ارفعوا النظام هذا لانهم ما يعرفوا او ما يهتموا وسلاااااااااااااااااااااااااام هذي وجهه نظر |
اخوي الوافي اشكر وجهة نظرك بس للسف اغلب طلاب الفئه المشاكسه يحبوا يضيعوا الحصص حتى لو اهتميت بيهم من دون جدوى بيهداء وينظبط هذيك الحصتين وتعود حليمه لعادتها القديمه وللسف بعض اولياء الأمور ما يهتموا حتى لو ارسلت 100 إستدعاء وهاي الواقع اللي انا اعيشه شخصيا وحتى لو حضر ولي المر يجولك ان شاء الله ولا حياة لمن تنادي ما شي تطور ولا تقدم
|
والله الطلاب صاروا الحين يمشوا قدامك وما كأنك الأستاذ
ما تقدر تضرب وما تقدر تنقص درجات وما تقدر تسوي أي شي الله يعين من اللي جاي بس |
صدجت أخوي صاحب السعاده وبصراحه التربيه بقوانينها على بالها تتطور بس هي للسف تتأخر لأنها راح تخرج جيل متخلف ومتأخر عقليا وفكريا جيل اخذ الشهاده بدون جد وإجتهاد قدمتله الشهاده هديه بدون اي مجهود
|
ما سالتوا نفسكم ليش الطلاب كذا
انا بقولكم بس هذي وجهه نظري يعني اللي اشوفه او افهمه من الطلاب انهم ما حاسين بقيمه التعليم اساسا وسالت احد الطلبه يوم من الايام شو تسوي بالمدرسه قالي اتسلى مع اصدقائى وهو الشي محتاج لاساس قوي جدا جدا من اولى اساسي لازم نجعل الطالب يحس بالتعليم واهميته وهذا عيبنا احنا العرب ما نحس باهميه التعليم المهم انا نخلص الدراسه باي طريقه بالمذاكره او الغش ومن ثم العمل وعدم الاستفاده من العلم اللي تعلمناه وبصراحه شديده التعليم بالوطن العربي تعليم تقليدي اللي هو من الطالب الاستماع والمعلم يلقي واللي ندرسه مجرد نظري وين التطبيق في مره من المرات كان يدرسنا دكتور عراقي الجنسيه رياضيات وقلنا له يادكتور صعبه الماده اللي هو كتاب كالكولاس والله تعرفوا شو رد علينا قال هذا الكتاب يا ابنائي تافه جدا ولو تتابعوا العلم اول باول بتشوفوا وين وصل الرياضيات الحين تصوروا كتاب اكثر عن 2000 صفحه يقول تافه وكله معقد بس احنا اساسنا بالعلم ضعيف ومتعودين نتذمر على الصعب ونمدح اي شي يجي بسهوله ومن دون اي عنا ومنظل متخلفين بمعنى الكلمه امكن خرجت عن الموضوع شوي بس انا اشوف نحسس الطالب باهميه العلم والطلاع الى الامام والمستقبل ونحسسهم ببعض من المسؤليه ونتحد الادراه والمعلم والطالب والاسره هذا الحل الوحيد التواصل في المجتمع ومثل ما يقولوا يد وحده ما تصفق لازم التواصل وبجد من المشاكل المهمه للغايه وهي الطلاب وعدم وعيهم الا بانتهاء الدراسه بس بعدها ياليت ما تعمر بيت طولت بالكلام بس هذا الموضوع اشوفه مهم للغايه وتقبلوا سلامي اخوكم الوافي |
المشكله هالجيل ما متقبل الدراسه ومهما نوعنا بأساليب التدريس نادر ما تحصل تجاوب من الجماعه المشاغبه بالمدرسه والترهيب ممنوع مثل ما تعرفوا والترغيب صار ما يهم الطالب
لذا راح أنزل موضوع لأساليب التدريس وكل واحد معه أسلوب تدريسي جديد ومجدي يطرحه ولا يبخل علينا بيه |
| الساعة الآن 06:31 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][