منتديات جعلان

أ

اول حرف لموضوعي حرف الالف ولانه اول موضوع حبيت ابدأ باول حرف من حروف اللغه العربيه ..

وأول موضوع لي من كلمات الشاعر المبدع دومــــــــــا سعد بن علوش

الا يالله ياللي تفتح الدعوة دعاة ابواب
طلبتك لا تضيقها علي وتقفل ابوابي

ابي ذكر(ن) يجملني مع الاقراب والاجناب
ولا تكسر شموخي في عيون اعدائي واصحابي

لو انها تنحسب في ضربة المخلب وعض الناب
انا متغدي(ن) بالوقت من قبل يتعشى بي

لا جاذبه حظ ولا حزن ولا حب ولا احزاب
عموماً بستمر اوقف جبل ويطيح جذابي

ثمان سنين وانا اطمح وخمس سنين وانا ارتاب
الين اقفوا علي اهل القفى وقفى وقفّى بي

وضع قلبي على جمر الغياب وذاب حتى ذاب
وساح وساح وساح وساح وساح وطير أسرابي

لماذا ولا ليه و كيف ولا شلون عني غاب
وانا وجودي وجوده بالبلد وغيابه غيابي

احبه كثر ما شفت الخيانه في عيون اصحاب
واحبه كثر ما عقول الدواهي تحسب حسابي

واحبه كثر ما قفى عن عيوني بدون اسباب
وكثر من لاله اكواب الغلا وينثر اكوابي

انا رجال مايؤمن بقول ان الزمن غلاب
يغلبوني رجال ولا الزمان يصير غلابي

عليك الله وامان الله وستره يبـ يظل جلباب
ترى ما في بيك ولا تزعلني على مابي

في بداية القصيده للشاعر سعد علوش بدأ بمخاطبه من له كل الخطاب وفي خطابه ماطلب مال ولادنيا

طلب كل الطلب وعز الطلب عدم التضييق عليه في الدنيا وطلب من رب العالمين ان تكون نفسه عزيزه ..

ومااقسى ان تكون النفس غير هذا ..

وفي نفس السياق اغنيه للفنان حسين الجسمي .
ما أطيح من هزه ولا تهزني ريح
شوف الجبل واقف ولاهزته ريح
شوف القمر عالي ولا يمكن يطيح
وانا الجبل في عزتي وفي وقوفي
والبدر من طولي توسد كتوفي

وان كنت تبغي ياوفى العمر توضيح
ما أطيح من هزه ولاتهزني ريح
ما للزمن ياصاح غالي وصاحب
له قلب متقلب وله وجه شاحب

وأنا لو إني من الزمن صرت ضايق
بس أشكره جدا كشف لي حقايق
علمني اثبت حتى لو مت ما أطيح
ما أطيح من هزه ولا تهزني ريح

طبعي عزيز النفس من قوم الاكرام
واللي الكرم له طبع لايمكن يضام
وانا ابد ما أخطيت في حق ناسي
ولا لوقتي يوم وطيت راسي
مهما لفاني من خطا الناس تجريح

كل انسان تهمه عزته وشرفه وعمر الانسان وقدره بهالدنيا عزته وسمو نفسه وتزكيتها لو بها نواقص ..