الشباب نصابين وأنا أقول البنات انصب
 

بسم الله الرحمن الرحيم

اليوم اجيب لكم مقالة من مقالات الكاتب المعروف

والخفي رفيـــع الشان


وهي بعنوان
الشباب نصابين وأنا أقول البنات انصب

طبعاً تحسبونه تحامل على البنات لا وربي أنا أقول الحقيقه من منطلق بحث وتحري وتجربة «دبوس عواطف» بس لا شفت هالمسيكين اللي محملينه وزر هالبنت ومخلينه هو الخاين وهو اللعاب وهو ملعون الخير خلان أشوف بجد وش مفهوم الخيانة والغدر اللي يتكلمون عنها وايش هو اللعاب في نظرهم.. واستنتجت عن طريق الشاتات كالتالي:
أولاً إن الولد يدخل الشات عشان يغازل البنات «طيب انتو يا البنات داخلين وش تسون؟ فاتحين بلكونة الشات وجالسين تدورون هوا ربي»؟!

وان الولد يعرف خمس بنات في لحظة «ولا البنات ما يعرفون الا واحد؟! ليه شركة الاتصال في تعبئة الطلب عند البنت شارطة عليها تخزن رقم واحد عقب أمها وأبوها؟

3 - إن الولد نادر ما يكون وافي مع اللي يحبها «اعرف لي مسكينة من كثر وفاها حالفة ما يدفع فاتورة جوالها غير حبيبها خاصة لا تعدت الفاتورة 80 ريال لين تجمعت 800ريال عندها من كثرهم».

4 - إن الولد سهل يقول كلمة احبك لعشر بنات في لحظة «اعرف بنت قصدت قصيدة في حبايبها سمتها قصيدة الوفاء كل دلخ فيهم في شطر بيت لين شفت قصيدة قوامها 24 بيت».

5 - إن الولد جريء أجرأ من البنت في البوح بعواطفة « فيه بنت في الماسنجر عندي تقول لو الحب على شكل لوح يمدي راس حبيبي شرووخ ».

6 - ان الشاب لعاااااب يلعب في البنت مثل الكورة «مدري منهو اللي مطلع مثل الرجال مثل الورة تضربينه بالجدار يرجع لك وربي إن كان هو لعاب فالبنات مدربين منتخب بالنهار وفتوة باليل».

7 - ان الشاب ماله قلب وانه ما عنده رومانسية وانه دفش «لا مركب فلتر زيت والبنت مشاء الله عليها كلها رقة وحنان ورومانسية. وربي بعض الاحيان تكلم بنت تحسبها رجال من دفاشتها».

8 - ان الشاب كذاااب ويا كثر من كذب على البنت «اعرف لي بنت تكذب في الدقيقة ست مرات عادة وخمس مجاملة».

يعني باختصار ابلعوا العافية ما عطا الرجال الا وعطا البنت الا ان البنت اخبث في تعاملها بحكم ضعفها اللي تدعيه وغير كذا ماله داعي يدعون ان الشاب كله عيوب وانالبنات ذابحهم الكمال وربي ان عقب اللي شفته وخلو مني اللي سمعته لأني ماعتمد عليه انه شاب راسي لين صرت أتخيل كل حرب حاصلة في هالعالم وراه كونداليزا رايس من بغت السلامه تفك راسها من انياب الذيب ومن بغت اللعب لا تشتكي من كسر ركبها ولا اعمم البنات كلهم ولا اعمم الشباب لكن اخص البنات اللي يناظرون عيوب الشباب وناسين عيوبهم يا كم بنت في بيتها ما طلع منها العيبة ويا كم ولد في بيته ما طلعت منه العيبة كلن حافظن نفسه ومسكرن حلقه وعلى فكرة أنا أخص فقط اللي من يهمه الأمر اللي مردغين خشش الشباب على ازفت الإنترنت التخصصي «الله يرفع عنهم ولا يبلانا».. اقول اهااا بس لو صفحتي تعرض صور عرض لكم صور شباب انتهو بالمخدرات والمسكرات مهبل انجرفوا ورا لعب البنات بأحاسيسهم ومشاعرهم والزج بهم في غياهب الضياع نعنبو داركم قمتو تربون عضل؟






اخوكم الساعدي

بسم الله الرحمن الرحيم
شوي شوي هدي أعصابك .. مب كل الأنواع من الناس اللي ذكرتهم موجودين ..
وترا تذكر كل منا يرى الناس بعين طبعه..

أخ متيم
انا اقولك واسمعها مني
اللي فاضي ويلعب بالشات يستاهل كل شئ
سواء بنت تنصب عليه او غيره
هو يبي لنفسه
ويسطفل على قوله اخوانا الاردنيين..!
بنات وشباب البعض نصاب بس مو الكل..
وتسلم على كل حال

اخي اصابع ايدك ما وحده وكل واحد بطبعه وما كل وحده او واحد يدخل النت يبي يلعب ويضحك على الناس سواء كان ولد اوبنت

وحدي انا اشوف العكس

نصابيين الاولاد ومحد ينفاسهم

في كل شي في المشاعر وفي الحياه ووووووووووو

حتى البنات نصابات ريم

الشات يالمتيم
تنعدم بيه الثقه اساسا هذا من المبدأ
وعادي امكن شاب يتكلم معك بلقب بنت
حتى لو تكلمت وياه على المايك
يقدر يحط تسجيل او في مئه طريقه يحول صوته لبنت
وشات ما هو الا تجزير وقت
لا اكثر ولا اقل
واي علاقه تبدا بالشات بصراحه علاقه مالها اساس
وعلاقات العاطفيه مالها اي اساس
العلاقات العطفيه تبدأ بعد الزواج فقط
اما الحين اللي هو ظاهر بمجتمعنا
واللي منتشر
من هذي الامراض النفسيه
هذي كلها سببها فراغ وبسببها يتوهم الانسان اشياء
مالها وجود اساسا
الواحد يشغل وقته باي شى ويفكر كيف يبني مستقبله بطريقه صحيحه
وهذا يجعله بين نصب عينيه






وســــــــــــــــلامي

يا ربي أخوي كل هالحقد حامله ف قلبك ع البنات حرااااااااااااااااام

شوي شوي علينا ترا مب كل البنات والأولاد نفس الشي