القصيدة التي اثارت غضب بنات الخليج
 

*·~-.¸¸,.-~*السلام عليكم ورحمه الله وبركاته*·~-.¸¸,.-~*

هذي قصيده وجدتها في منتدى وحبيت انقلها لكم


هذه قصيده كتبها احد الخليجين بعد قدومه من المغرب خلونا نشوف وش قال .؟



ياللي تنشد عن علوم الــــــذي طاف .. كل البحور وكل دوله وديـــــره

خذ من علومي علم اوصافه اوصاف .. جزل سمين يشتعل له ســعيده

الزين عقب المغربيات ينــــــــــــعاف .غيد لهن بالزين ذكره و ســـيره

فيهن حلا طاغي ولين و تــــــــعطاف .. وفيهن حنان يشعل القلب غيره

حلوات وصف وفاهــــمات بالاعراف .. زيننات منطق صافيات السريره

بنات قوم طيبهم غصــــــــــــب ينشاف .. اولاد مغرب بالليل العســـــيره

ياللي تنشد عن علومي بالانصــــــاف .. هرجي يكفي صامله عن كثـــيره

الزين في لميا وتغريد و الطــــــــــاف .. ماهوب في حصه و كشره و منيره

-----------------

رد على القصيده

قال الذي في بدع الامثال صراف .. جزل يفرق بين درهم وليـــره


ياللي مدحت المغربيات بجـــحاف .. الله يجيرك من عماه البصـــــيره


لو تعجبك لميا وتغريد والطــــاف .. مايصلحن لهل الوجيه الســـــفيره


مفصخات و لبسهم حـول الارداف .. وبليس اغواهم بكشف الستيره


متعودات كلهم زيف وخفـــــــــاف .. على التغنج والتعطف وغيره


كل يوم مع صاحب و لافيهم اعفاف .. خويهم اللي فلوسه كثيره


ترى البضايع عده اشكال و اصناف .. وكل ينوخ وسط سوقه بعيره


عز الله ان الطيب في بنت الاشراف .. اللي على الحشمه تربت صغيره


ولا تبين منها كود الاطــــــــــــــراف .. مثل القماشه فالبحور الغزيره


ياللي تدور بالجواهر و الاصـــــــــداف .. الزين كله في بنات الجزيره

-----------

وهذا رد للمرحوم طلال الرشيد (( الملتاع )) .. الله يرحمه

يابن الحلال ان طعتني خل الاســـراف .. واترك جمال الغيد لاهل البصيــــره

الزين موبس في الملامح والاوصـــــاف .. الزين روح وعفه وطيب سيــــــــره

مانيب من يهوى سريا وانصـــــــــــــاف .. انا هواي وبس بنت الجزيــــــــــره

بنت الخليج اللي تماري بالاعــــــــراف .. وحنا نماري باسمها كل ديــــــــره

مالي غرام بقول وخا وبالـــــــــــــــزاف .. اذبحتني عند الطرحه المستديــره

احب قولة ياهلا وعل وماخــــــــــــلاف .. من بنت ثوبي بنت الارض النضيـره

اللي تحلاها الظبي حلو الاطــــــــراف . جمال في عفه ورقه وغيــــــــــــره

واللي بها سحر مهو سحر عــــــــراف .. ياعل عين ماتراها ضريــــــــــــــــره

عطف وحنان وذوق في لين الاعطــاف .. والى كشفت لثامها شفت أميـــره

صعب على اللي بالردي شاف ماعاف .. وحلوه علىاللي سنه الله ضميــره

شمس الى من اشرقت والدجا طـاف .. غابت نجومك غصب لو هي كثيــره

السيف مايزهى سوى كف سيـــــاف .. والخيل دون حصانها مستخيـــــــره

بس أنت دورلك على قدك لحــــــــاف .. وان طعتني دور بدلنا عشيـــــــــره

مشكور اخي ابن الساده على النقل الطيب
تقبل مروري اخاك
اسير الصحراء

تسلم اخووووووي
على الاختيار الموفق

تسلم ابن الساده على النقل الرائع

تسلم اخوي

على المشاركه

تسلم اخوي على القصيد
الصراحه في قمة الروعه

تسلم اخوي على هذه الكلمات الرائعه

اختك السولعيه المغتربه

تسلم اخي ابن الساده على مشاركتك الجميله