منتديات جعلان - التغلي والاعذار

منتديات جعلان (http://www.jalaan.com/index.php)

- جعلان للشعر والخواطر (http://www.jalaan.com/forumdisplay.php?f=60)

- - التغلي والاعذار (http://www.jalaan.com/showthread.php?t=46869)

التغلي والاعذار

ان كان قصدك بالتغلي والاعذار=شوفة غلاك بداخلي فانت معذور

وان كان قصدك ذل مغليك ماصار=حبك ، ولاني في محبتك مجبور

صرح الهوى لاصار به ذل ينهار=ماينبني صرح ٍ من الذل معمور

الحب يحفظ للمحبّين مقدار=كل ٍ بما يلقى من القدر مسرور

الحب مايشرى ولا يباع باسعار=ولاهو حسابات ٍ لها جذر وكسور

الحب غيمه مابها غير الامطار=اذا استهلّّت تنبت ورود وزهور

الحب رحمه ترحم الناس لاجار=فيها الزمن ، تلقى به الحزن مبتور

الحب يبقى داخل القلب تذكار=لاغاب خل ٍ صار بالقلب مذكور

الحب ديوان ٍ حوى كل الاشعار=فيه القصايد كنّها الدر منثور

وانا اعتبر كل التغلي والاعذار=شوفة غلاك بداخلي ، وانت معذور

الحب يبقى داخل القلب تذكار=لاغاب خل ٍ صار بالقلب مذكور

صدقت يالاسيف وصح لسااانك الغالي نتريا منك الزوووووود

الحب يبقى داخل القلب تذكار=لاغاب خل ٍ صار بالقلب مذكور

مشكور يالاسيف وصح لسااانك الغالي نتريا منك الزوووووودوتقبل مروري

مستشكرين علي الاطلالة الرائعة