|
بعد غياب...عشم
بسم الله الرحمن الرحيم بعد غياب طويل ، أعود لكم بهذه الأبيات التي أرجو أن تنال على رضاكم. ((أتمنى زيارة القصيده بصوتي على اليوتويوب في هذا الرابط)) http://www.youtube.com/watch?v=3rfpM7nljMM لو كنت متعشم مــن غيومـك أمطار كنــت كلمـــا غيّمــت بفتـــح يديني بس البخيــل يمـــوت مـن أجل دينار وأنته تمـــــوت ولا تطفـــــي حنيني يا صاح أدري والهوى درب وأسفار إنك علــــى كثـــر الغــلا مـــا تبيني وأني برغــم الجــرح ألقـى لك أعذار وتطيح مــن عينـــي وأردك لـ عيني تدري وش اللي يشفع لقلبك إن جار؟! ذكـــرى ربيــع الوقـــت بينك وبيني يـــوم الغـــلا هتـّـــان والحـب مدرار وإحســـاس قلبــــك بالدلـــع يحتويني كنت الحنون اللـــي إذا كـــل ما زار يطبـــع أثـــر بوسته فـــــي وجنتيني تقبل علــي إحســاس وأبيــات وأفكار تاخذنـــي بالأحضــــان كلمـــا تجيني وتقــول يـــا أحمــــد حكاياك مشـــوار وتنســى يمينـــك لا حكيــــت بـ يميني وتذوب فـــي صوتـــي إذا قلت أشعار وأضيع فــي عينك وأدوّرني ، ويني؟! كـــل المسافــــه بيننـــا بضعـة أمتـــار لكــن مـــن الأشـــواق يعـــرق جبيني واليوم مهمـا جيت أو رحت أو صــار بــــرود قلبـــك يقتـــل الشــــوق فيني والخافق اللـــــي كان لا حــن أو غــار يقلــب علـيّ الأرض ، شكـّـي...يقينـي اللي غرامه دفء ، لا بــرد ، لا حـــار و حبه ملـــح عمــــري وسكـّــر سنيني ملّك زمـــــام القلـــــب للهـــــم والنــار نــــار الظنــــون اللـــي شُوت مُقلتيني لكن ورغــم الجـــرح ألقــــى لك أعذار وتطيـــح مـــن عينـــي وأردك لـ عيني ولازلــت متعشّـــم مــن غيومـك أمطار عـــادي...إذا غيّمــت ، بفتـــح يــديني أحمد العلوي 10/05/12 |
لكن ورغــم الجـــرح ألقــــى لك أعذار وتطيـــح مـــن عينـــي وأردك لـ عيني مرحبــاابكـ شاعــرنــاا بعـد طـول غيــااب وصــح لســانكـ ع هالأبيــاات الرائـــعة مـب غريبــه عليكـ شيخــي شاعـر ومتمكــن ربـي يحفظكـ أخــووي ونتــريــاا كــل يــديـد مـن صوبكـ تقبــل مـروري المتواضــع |
يشرفني المرور على أمطارك يا أحمد
لكن ورغــم الجـــرح ألقــــى لك أعذار وتطيـــح مـــن عينـــي وأردك لـ عيني ولازلــت متعشّـــم مــن غيومـك أمطار عـــادي...إذا غيّمــت ، بفتـــح يــديني الحب الشك الغيره الغياب صور جميلة في قصيدتك لك التحية والود |
الله علييييييييييييييييييييييييييك
صدج مبدع يسلم احساااسك القاااء مره حلوووووووووووووووو تسلم شاعرنااااااا ع القصيده الذوووووووووووووق ربي لا هااانك |
يسلموووو وصح لسانك يا شاعر
للامام نشوفك وانا من متتبعي قصائدك وابداعك الدااااائم http://www.topforums.net/gallery/fil...1411644944.gif |
ما شاء الله..
صح لسانك شاعرنا.. غيث مدارا..وهتان ماله حد.. نرقب كل يديد لك.. |
مااروعك ومااعذب قصايدج وللامانه القاءك قمه فالروعه
|
| الساعة الآن 06:35 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][