اسباب غدرك
 

أبيك اليا شرحت اسباب غدرك .. تحسن التعبير
مابيك تموت من غيري .. وانا ارد الموت باسبابك

تعلم كيف تتألم .. وتدعي للوصل بالخير
وابيك تقول للبين الطويل .. الموت لغرابك

ولك دمع جمد .. له مده ماسال مهما يصير
عسى ماموت .. قبل الدمع ماشوفه على اهدابك

هجرت .. وشفتك تصور جهنم بالهجر تصوير
وشفت ايامك السوداء .. تكشر لي عن انيابك

وشفتك حاضر .. بس اعتراك الزيف والتغيير
تصور مابقت صوره .. وتستاهل القابك

تموت الخيل بايامك وقوف .. وماتعرف اتغير
على العدوان .. وتتركها تصبح ديرة احبابك

تواضع للثرى والماء .. تذكر تربتك ياطير
ترى كبد السماء ماينفعك .. لو تهجر ترابك

نسيت الماء .. ولك بالماء خيال مامحاه البير
مردك لي وله .. ونقول يوم ترد وش جابك

نسى الصافع .. وللمصفوع خد شغله التذكير
ينام الليل .. ويسرى به حديث النار لعتابك

نسيت جروحك .. اللى مالها عذر ولا تبرير
نسيت .. ومانسى العصفور حر جروح مخلابك

خضبت الكف .. من دم القلوب اللى وراك تسير
ظلوم .. ماتفرق بين دم القلب وخضابك

ابيات حلوه وغموضها يدل على بلاغه الشاعر تسلم ابن الساده

بس ياريت تكتب اسم الشاعر حتى نعرف عن الشعراء وان كانت بدون اسم فمعناها القصيده لك .

تسلم أبن الساده وأبن عماتي على القصيده

يعطيك الف عافيه اخوي على الكلمات الروعه

كلمات في غاية الروعه يتداخل فيها رفرفت نسيم الهواء العليل بين سطور روائع الاعمال
تقبل مرور
اخاك
اسير الصحراء

مشكورين عالمرور
ابو هاجر القصيدة مو اللي وما اعرف اسم صاحبها اعذرني

يعطيك العافيه اخي ابن الساده

قصيده روعه وكلمات مختاره بعنايه