|
ألم جعلان؟؟ من يداويه؟!!!
السلام عليكم.. حبيت اناقش حال التربية الاخلاقية والسلوكية في المجتمع الجعلاني..بصراحه حال يجرح المعاني السامية والخلق العالية.. اذا نظرت الى الطفل... البراءة تبرات منه.. يتلفظ بالفاظ واهيه.. وكلمات واطيه.. متدنية سخيفه.. (الله مرة سمعت طفل يقول لواحد انته حمار وغبن...) المصيبه الكل يشجعه عشان يكون شجاع ولا حد يغلبه أما الشباب فهناك المر والامر... لعنة الام في لسانهم أسهل من شربة الماء... اللعنة للكافر.. وانت تلعن الام؟؟ اطيب واحن قلب في هالكون؟؟؟ الشاب تعدى حدوده.. معظم ساعاته يقضيها في القهقهات امام المطاعم والسهرات التي لا تسمو بالروح ولا بالعقل.. لا ياخذوا من الدنيا العبر ولا العظة.. كيف يهون العمر عليهم ويقول ساعاته في اللهو الجائر.. وكيف يرخص الجسد ويدمرونه بالتدخين؟؟ الذي اصبح في المجتمع رمز للرجولة والحرية حال أليم..!!! من سيصلحه؟؟ المعلم الذي جفا المسجد وهجره؟؟ أم!! الام التي تركض وراء الملهيات.. من زينة وموضات ونميمة وغيبة؟؟؟ |
([والله مرة سمعت طفل يقول لواحد انته حمار وغبن..)
ماااايصح مع احترامي الشديد لك نطق هلالفاظ ف منتدى حتى ولو كنتي تريدين تنقلينا للواقع المر....لو تقولي انة الاطفال يلفظوا كلمات قوية ماتليق بمجتمعاتنا كنا فهمنا مشكووووووووووورة اختي والله يصلح حال الاهل وعيالنا...بس ياما فيه عيال من وسط عيلة متدينة ضلوا عن الحق ف نحن مانلقي الوم بس ع الام والمعلم...مثل مافية معلم مادخل مسجد فية معلم دخل مسجد بس الوضع ماتصلح...وياما فية ام صالحة وتفدى عيالها بعيونها بس ماعدل من الوضع شي....ف احسن طريقة هي الشكوى لرب بدل لناس الي تسوي الي تقدر علية وتسلمين[/size][/color] |
الله مرة سمعت طفل يقول لواحد انته حمار وغبن...)
اختي مايصح تذكرين هلالفاظ ف منتدى حتى ولو كنتي اتريدين تراوينا الواقع المر....ونحن مانقدر نلقي الوم ع معلم او ام,ف مثل مافية معلم مايدخل المسجد,فية معلم يدخل المسجد وهشي ماغير الوضع, وياما فيه اطفال من وسط عيلة متدينة يظلوا الطريق ف افضل شي انسوية هية الشكوى لرب العالمين بدل مانشكي لناس موب ف ايدهم شي مشكووووووووووووووووووورة اختي وننتظر بداية الاصلاح منك |
ههههههههه
المشكله يا اختي انه معظم المجتمع الجعلاني او خلنا نقول نسبه كبيره من المجتمع الجعلاني يكون فيه الوالد كبير فالسن والكبير فالسن تربيته غيييييييير يعني تشوف شااايب وعنده ياهل عمره 7 سنوات!! وحن نعرف انه الشواب عندهم العصبيه مولعه ومشي تفاهم (مب كلهم) والياهل يبا من يهاديه وينصحه بهدوء ولطف مب واحد ينهره ويمكن يسبه(في بعض الاحيان) عشان جيه الياهل تحصليه يلقف اللي يسمعه وتكون عنده عاده يقولها مثل الالفاض اللي ذكرتيها هذا سبب من الاسباب.. ويمكن كلامي مب صحيح 100% ويمكن ماينطبق فجعلان وشكرا |
السلام عليكم.. حبيت اناقش حال التربية الاخلاقية والسلوكية في المجتمع الجعلاني.. بصراحه حال يجرح المعاني السامية والخلق العالية.. ليش تتعمين اختي المجتمــع ؟ مب الكل جولي البعض ..بصفه عامه المجتمع الجعلاني تربيه واخلاق اذا نظرت الى الطفل... البراءة تبرات منه.. يتلفظ بالفاظ واهيه.. وكلمات واطيه.. متدنية سخيفه.. (الله مرة سمعت طفل يقول لواحد انته حمار وغبن...) المصيبه الكل يشجعه عشان يكون شجاع ولا حد يغلبه ..اكيد الطفل لوسمع اكبر منه بيجول الفاظ جيه بدون وعـــي بمعنى الكلمه أما الشباب فهناك المر والامر... لعنة الام في لسانهم أسهل من شربة الماء... اللعنة للكافر.. وانت تلعن الام؟؟ اطيب واحن قلب في هالكون؟؟؟ حد يلعن امه!!! هذا اكيد انسان مب طبيعي وبعدين اذا في حد الأمــ هي السبب الدلع الزااايد ربته على هالشئ ما شئ حدوود بينهم وتتحمــل نتيجه التربيه ...والسبب جهل الأم الشاب تعدى حدوده.. معظم ساعاته يقضيها في القهقهات امام المطاعم والسهرات التي لا تسمو بالروح ولا بالعقل.. لا ياخذوا من الدنيا العبر ولا العظة.. كيف يهون العمر عليهم ويقول ساعاته في اللهو الجائر.. وكيف يرخص الجسد ويدمرونه بالتدخين؟؟ الذي اصبح في المجتمع رمز للرجولة والحرية ...مب كل الشبااب جيه والحمدلله الدنيــا عندناا بخير الشبااب يعتمد عليهم ف كل شئ حال أليم..!!! الله يهدي الجميـــع من سيصلحه؟؟ المعلم الذي جفا المسجد وهجره؟؟ هالمشكله ف مجتمعنا نحط اللومـ على فئه معينه ونسى الاســاس وهي التربيه داخل البيت اكيد المعلم له دوور بس ايد وحده ما تصفق |
حسب وجهة نظري واعتقادي ان اخلاقيات وافعال الشخص مرأه تعكس التربيه التي تربى عليها يعني اهم موثر ف الاخلاقيات الاسره والاخلاق التي تربى عليها "" فمثلا احنا ف بيتنا مستحيل احد يتلفظ بمصطلاحات غير لاقئه لانا نعتبرها خطوط حمرا محد يتعدها ومستحيل حد يتجرا ويتعدها وننظر نظره دونيه للي يتلفظ بهاالالفاظ"" وبعد الاسره يجي تاثير المتجتمع والاختلاط والمدارس..... الخ ف النهايه وجهه نظري ان اهم شي دور الاسره للتخلص م العادات السئه واذا فكر كل شخص ان تصرفاته تعكس صوره اسرته والتربيه التي تربى عليها فبيفكر مليون مره قبل عن يسوي اي شي يسلموووووو ع موضوع خيتو ولكل وجهة نظر تحيااااااااااااااااتي |
خخخخخخخخخخخخ........ لاتعلييييق يكفوووووون اللي فوووووووق^_^ |
هلا اختي انا صراحة عن نفسي معاج فاشياء وفاشياء مومعاج نعم مجتمعنا هكذا عن الاطفال معروف وهذا الشي مية فالمية انهم ياخذوا هالكلام من اهلهم وصراحة هذا الشي مر علينا ونحن صغار ولكن انا اقولج الواحد من يكبر يعرف شو ينطق وانا متاكد انه الطفل لو يعرف معنا كلامه جان ما قالة ومن ناحيت اللعن انا عن نفسي ابصم بالعشر انه ما احد يلعن امه مهما كانهذا من وجهة نظري يمكن من الناس الامين لكن ناس دارسين لا لا هذا غير صحيح ما اتوقع والان الحمد الله اكثر الناس دارسين وبدوا يربوا عيالهم تربية زينة والشباب الله يهديهم ويهدينا وهذا من وجهة نظري ويعطيج العافية اختي على هذا الموضوع ولو انة عممتي فية وبصمتي علية لكن ما علية |
لا تعليق الامررررررررررر من شب على شي شاب عليه |
بالنسبه للشباب حبيت اقول الي يصير موجود في كل منطقه ..والدور ما على المعلم والام ولازم المتعلميين الجامعيين لهم دور كبير في توعية الشعب الجعلاني فديته
|
| الساعة الآن 09:08 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][