|
باب يدش منه الريح شغل المكيف سده واستريح ..
السلام عليكم ... شلة بنات جاعدين مع بعض يسولفوا يتغشمرون سوالف بنات طبعا لاتتعداها الى غيرها ذي تتكلم وذي تضحك وذي ترد وذي مرتبشه معلمينها بالبيت ماتنزل الشيله من على راسها ايدها على راسها تقول نازله عليها مصيبه ولا زي المصريات كانها تقول ياااااااااالهوي اه ياني biggrin هذي تقولها طيب وش فيها لو نزلتي شيلتك ترى محد غريب مشي رجال كلنا خواتك وش بلاك.. ترد عليها مابا مابا انتوا محد يجعد معاكم انا احسن اروح .. ترد عليها خويتها جعدي انتي vipغير عن البناتbiggrin وش فيها لو نزلتي شيلتك تعصب البنت تقول اخر مره ترى والله بسير البيت احسن عن الجعده معاكن mad. وحده ساكته تسمع الرمسه تقول لخويتها تو الناس بدري عاد نحن نتجمع في الاسبوع مره ونشوف بعض وانتي عادك بتروحي وبتخلينا ... نفس البنت قامت من مكانها وراحت صوب الباب طبعا البنت اللي ساكته وصلت الباب وصكته وكملن سوالف وجعده وضحوك والبنت صاحبة الشيله جلست وكملت معاهن يعني السالفه كلها من الباب المفتوح والهوى اللي يدش ... والمثل يقول باب يطير شيلتك سده واستريح rolleyes. طبعا كلكم تعرفوا المثل ... نسمع من البعض اللي تعرضوا للمشاكل والمصايب والخيانه وغيرها قصص يندى لها الجبين واللي يريد يحافظ على مبادئه وقيمه مثل البنت اللي لابسه الشيله تريد تسمع كلام اهلها اللي وصوها ماتخلع الشيله وجالسه على رزة الباب المفتوح بدرب الهواء اكيد راح يشيل شيلتها لانه هواء وهذا طبعه فليش نلومه نلومه على طبعه طيب هو وش ذنبه اذا هو هواء ؟confused. واللي يدخل النت وعنده قيم واخلاق ومباديئ تعلمها من بيته ويشتكي من الماسنجر ويشتكي من اسلوب البعض في المنتديات ويشتكي انه سمع كلمه ماحلوه اذا كان من النوع اللي يدش الشات او قراء موضوع يخدش الحياء ومن ثم يرجع اللوم على النت والمنتديات وغيره وغيره هذا هواء اقصد نت يعني لابد انك تاخذه على طبعه متجمع فيه كل شي الزين والشين عاد انت وطبعك تريد الزين موجود واذا تريد الشين موجود فلاتشتكي من النت وبلاويه لكن لوم نفسك انك فاتح باب لنفسك انت في غنى عنه فاحفظ نفسك بعدم التعرض لتيار فاسد ينزع منك اخلاقك وحيائك والمباديئ التي تربيت عليها ... ترى اذا حد فهم الفكره يشرحها لاني خلصت الموضوع وماطلعت بشي biggrin وسلامتكم |
هههههههه فهمناااااااها القصه الحلوووه
ياااخي لك اسلوووو ولا اجمل اسلوب سلس. مثل ماقلت النت فيه كل شئ من زين وشين واللي يشوف الزين لا يلقي اللوم على النت واصحابه لانه هذا طبع النت الزين والشين تقبل مروري |
الماجد أنت تخلص الموضوع وما تطلع بشيء هههه مستحيللللللل smile.smile. أنت ماطرحته إلا إنك فاهمنه مئة مئة على قولة المصريين smile.smile. موضوع ولا أروووووع وعالم النت أكبر دليل على سادة عالمين متناقضين كما ذكرت نستطيع أن ندخل دليل البحث جوجل ونكتب كلمات إيجابية ترتقي بنا سنجدها ما لذ وطاب وبحر وعميق وبالمثل سنكت كلمة غير محبذة سنجد بحرا عميقا ومواقع شتى .. والحكم في ذلك هي حركة الماوس والحروف التي تكتب على الكيبورد والمحرك لهذه الاتجاهات هو صاحب الشأن فهو قائد سفينته التصفحية أحيانا المرء يخاف مما لا جود له ظنا منه أنه موجود ولن يدمر سواه ولكن سيادة تلك التوجهات السلبية والتجارب هي دافع للحذر موضوعك يطرق جوانب عدة كما فهمت يحفظك ربي على هذا الإبداع الماجدي |
كلام جميل اخي الماجدي فهمنا قصتك وصراحة ما شاءالل عليك محورتها في قصة والشي الحلو انك ركبتها صح وهذا هو النت ماله ذنب الذنب على مستخدمه كما قلت فالقصة النت فية الزين والشين وكل واحد يفعل ما بداله هناك تفرق الاخلاقيات وهذيل الي يتكلموا عن النت ضيع وخرب فهذا الكلام صنع ولفق عليه فالمسول عن هذا هو مستخدم النت تحياتي لك ايها الماجدي العجيب صراحة صيغتك للموضوع عجبتني ويعطيك العافية |
اقتباس:
تسلم احوي يايا وربي اسعدني مرورك يعطيك العاااافيه |
اقتباس:
يعطيك العاااافيه اختي شاااكر لك مرورك الاكثر من رائع |
اقتباس:
طريح الهوى كل الشكر والتقدير لك على مرورك الرائع |
يسموووووووووووووووووووووو
تحياتي لكم احلى عيضاوي |
اقتباس:
يسموووووووو من السمو صح ؟؟؟ |
هههههههههههههههههه العنواااان صرااااحه وااااايد شي لكن لعوزت المثل biggrin
بس الحلووو ف اسلووبك تااااخذ شي من الواااقع وشي معروووف وتغير فيه ليتنااااسب مع موضوووعك مووووضووووع جميل وعندك اسلوووب جميل لتوصيل الفكره يعطيك العااافيه |
| الساعة الآن 10:04 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][