|
ذوووق احزاني
محد ٍ سألني عن معاناتي .. مهتم الكل يسأل لجل يشبع فضوله ما من عضيد ولا ولَد خال ٍ و عم و ما من صديق ٍ امس جاني بميوله وقت الرخا كل المخاليق تلتم و المهتني حتى المعادين حوله و وقت الشدايد شوفهم كلهم صُم نوحك بعالي الصوت ما يسمعوا له ان جيت اخبّي حسرة القلب و اكتم اشوفها ما هي بهذي السهوله يا كيف اغطي طاغي الهم بالهم ! و الدمع من يقدر يقاوم نزوله ؟! الحزن كم نطّق من الجور أبكم ! و خلا خفيفين العقل يفطنوا له !! والمحجر اللي بالمدامع ملغّم من يمنعه لا فاض و فرّغ حموله ؟ قضّيت ثلثين العمر بس اندم على عشير ٍ من زمان الطفوله و اللي بقى من عمري اقضيه الملم باقي حطامي من سوايا فصوله الله يقطع ناس ما عندهم دم خص الذي جاني يردد حلوله ما كان ودي اشتكي .. بس لزّم و انا على النيه سمحت بدخوله فضفضت له و انا كسير آتألم و الدمع فوق الخد سيّل سيوله شمّر عن ذراع الكذب .. غيّب الكُم دق الصدر يستعرض احدث طبوله ! قال انت آمر و اللي تحتاج له تم تلقاه عندك قبل موعد وصوله اشّر و ماله داعي انك تكلّم و اللي تمنيته وكاد بْتنوله حان الوعد .. جيته .. و قام يْتلعثم عرفت عذره من قبل لا يقوله الكذب له ريحه من بعيد تنشم الله يزول الكذب الله يزوله لو كان محتاج العطا شخص ينذم تلقاه و اصحابه الرخوم افزعوا له و لو كانت الحاجه لشي ٍ محرّم تلقاه و اصحابه الردايا سعوا له و انا عن الحاجه لمثله مكرّم ما كنت اعرْفه لين جتني فعوله لو كان بيده الماي .. اشرف لي السم من باب عزة نفس .. ماهي بطوله يا بنت حواء .. و انت يا ولد آدم من بعد موتي رددوا هالمقوله ( منته بقد الكلمه احسن لك انطم و لا تخدع بقولك عيال الحموله ) يالله ياللي بخافي السر تعلم يا واحد ٍ كل الملا يشتكوا له فيني حزن لو ذاقه الكافر اسلم كلما يزيد .. يزيد عظمي نحوله و الليل كلما غابت الشمس و اظلم أجني الخساير من ظلامه و طوله و الجرح يتجدد اذا قلت يقدم كنه علَيْ من دون هالخلق يوله ! و الخافي أعظم بس ماهوب أعظم من قدرتك ياللي الملا ينحنوا له ابدا بشكواي و بدعواي اختم ( يذوق حزني من خدعني بقوله ) مما اثر على قلبي ورااق لي كنت هنا شامخ الرأس |
قصيييده روووعه صح الله لسااان القاااايل ~ تسسسلم يمنااااك اخويه ع الطرررح ربي لاااا هااااااانك }ْ~~ |
ما عليج زوود اختي
كلي كل الشكر والتقدير |
يا كيف اغطي طاغي الهم بالهم !
و الدمع من يقدر يقاوم نزوله ؟! كلمااااااات ولا أروووع... تسلم أخوووي عالإختيار الراااائع... وأتمنى لك دوووام التقدم...^_^ |
فيني حزن لو ذاقه الكافر اسلم
كلما يزيد .. يزيد عظمي نحوله *.*.*.*.* http://alzezavon.jeeran.com/SahLsanek.gif |
يا ويل حالك صح لسانك والله القصيده روووعه مشكور ع الطررح الحلو الله لايحرمنا من جديدك
|
| الساعة الآن 10:33 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][