منتديات جعلان - &^^المدينهـ ^^&

السنين تلوفنـي لـوف الهبايـب للسفينـه
واوجودي للسنين الماضيـة حـزة قدرهـا
وجد من ساقـه زمانـه وجابـه للمدينـه
واستباحت دم قلبـه غنـوةٍ يانـع ثمرهـا
كثر ماشـاف المذلـه والمهانـه والغبينـه
يعشقه مثل السهير اللي شقا عينه سهرهـا
لا لفـا استاذنـه واقبّلـه وامسـح جبينـه
جعلني فـدوة جديلـه لا لفـا ثـمً نثرهـا
ولا قفا تنزل دموع العين لو ماهي حزينـه
كيف ماتبكي عيوني وهو حسبـة نظرهـا
يافراق الخافق اللي مالقـا عنـدك سنينـه
ولا بغا عندك سنينه راح ما حصّل خبرها
حنّ لأجلك يوم غبت ومير مافـاده حنينـه
تستره سود الليالـي وهـو ماقـد سترهـا
دنّ قلبـي دنّ نـجـرٍ تهيّـالـي دنيـنـه
ومن تهيّالي دنينـه تهيّـت لـي صورهـا
الجريح اللي قضى عمره وربعه حاسدينـه
لاتهنّـى بالسحابـه ولا لــذة مطـرهـا
جرّ ونّه خلف ونّه وطال صبره مع ونينـه
ماحسب جور الليالي ولا علقـم ضررهـا
من عرفتك تحسب إني على أمرك رهينـه
مادريت إن المظالم تحـت كمـي دهرهـا
ومادريت إن الأسد يموت من قرّب عرينه
ماحسب للناس هم ولا حسب منها خطرها
شاعرٍ ما أخـذ مـن دنيتـه مليـا يدينـه
ما أخذ ياكود دمعة حزن والباقي عَذَرْهـا
مابه أغلى للرجل من حر مالـه أو بنينـه
فطرةٍ رب الخلائق علـى خلقـه فطرهـا
بس أنا لا مـال لا بنـت والدنيـا مهينـه
كود دمعاتٍ غزيره علـى خـدي بحرهـا
وأنت مابه عذر عنـدك ولا حجّـه مبينـه
مر يوم ولا تبيّن عذر واعقبنـي شهرهـا
حالتي زينه؟ أجامل لو أقول الحـال زينـه
حسبي الله من غرامك ساق عنقي ثم نحرها
وش تقول افحالة المكفوف لا من حب عينه
حالتي لا من قَرَنْت بحالته تاصل عُشُرهـا
إنني من قوم لا تسأل عن المقهـور أينـه؟
قبل لا تقهر عدوه وتسـرف فـي قهرهـا
ولا نويتـي للتلاقـي أنـا فـوق السفينـه
أتوّجـد للسنيـن الماضيـه حـزة قدرهـا
وأتوّجد للفقير اللـي جَهَـل جـو المدينـه
لين هدّت قلبه اللـي يانـعٍ فيهـا ثمرهـا

شعر / جميل العتيبي